Burger's Friend Forever (希慎廣場)

營業中

休息中

今日約咗朋友特登喺銅鑼灣希慎度食飯，知道B2層有個好使正嘅food court，所以特登早啲嚟霸定個靚位，行咗一圈之後睇中咗漢堡店。於是我就叫咗佢哋嘅人氣之選：特濃花生醬漢堡。因為新鮮即整，所以等咗一陣，手上嘅提醒器先至震動，攞嘅時候已經聞到好香嘅花生醬味，食嘅時候更加係覺得佢好濃郁，但係亦都好細膩兼creamy。中間亦都有一片好厚嘅bacon，我最鍾意嘅嘢放埋一齊，格仔薯塊炸得好脆，正！不過我最鍾意嘅都係個蘑菇湯，食得出用咗超多蘑菇打出嚟分之香濃，但係食完又唔會覺得太滯。朋友就要咗一個香蒜白酒蜆肉意粉，唔好睇佢望落好似好細份，其實都食到好飽，而且好多蜆肉，真係真材實料，意粉亦都煮得剛剛好，口感一流。