Passion (已結業)

平時返工做嘢已經好辛苦，放假梗係要食好啲啦！約咗朋友仔係尖沙咀見，又唔想肥但又要好食，食乜好？想食沙律又想食甜野！呢間餐廳係唔錯嘅選擇！位置旺中帶靜，又有戶外嘅位置坐，真係唔錯！食物又有水準！拍住酒店嘅級數！今次兩個人食咗大概＄200 ,價錢十分合理！當中見到好多外國人食沙律， 沙律分成大及小分量，我叫了小的，我好鍾意食紅菜頭沙律， 40幾蚊OK啦！呢度嘅蛋糕十分出色，平均40一蚊，今次食咗熱情果味，酸酸哋幾好食啊！下次試吓其他味先！我叫左杯朱古力飲品passion chocolate ，實在太濃了！相信鍾意朱古力嘅人一定好鍾意！雖然我都鍾意朱古力，大約＄34，但係好似食朱古力醬，絕對唔係一杯飲品，所以下次叫普通朱古力夠啦！杯cappuccino就普普通通啦！