海膽仔

營業中

休息中

如果係新蒲崗街坊，一定唔會唔知呢間日本餐廳！我都聽聞佢個大名好耐，之前都係食外賣，今次專登嚟食堂食🤩。⭐️海膽丼叫得海膽仔，最出名就梗係海膽啦👍🏻👍🏻！小妹budget有限，叫個海膽丼已經好歡喜！丼上面滿滿既海膽，非常鮮味！每食一啖飯，都有海膽，而且好濃味好creamy，真係好食到唔識講嘢啊！🤩超幸福🤤🥹❤️ 唔想叫親就一板海膽嘅話，呢個丼都算係個經濟打法。⭐️倍化帶子吞海膽帶子有半隻手掌咁大🤩，入面夾左滿滿嘅海膽，呢個真係無辦法一啖放落口🙈(同埋都唔捨得🙈)。味道好出奇地，係帶子嘅鮮味好出！海膽完全變成配角，但又同時提升埋海膽嘅鮮味！好神奇！好食到心裏放煙花❤️！必叫呀呢個！⭐️天丼天婦羅丼，另一個性價比之選！材料十足😍有3隻蝦。炸衣上得好薄，個蝦勁厚肉！真係食緊蝦，唔係食緊炸粉。飯上面亦鋪滿炸衣，好有心思🫶🏻。最驚喜係有炸紫蘇葉！(小妹係紫蘇葉之鬼！😂)⭐️甲羅燒配法包第一次食甲羅燒，好有驚喜！冇諗到個蟹膏係可以咁濃味，而且份量好多！你唔好睇佢得一個蟹蓋咁大，撈勻晒擺上多士上面，係多到起到座蟹膏山！仲要係會滿瀉嗰隻！😂 食落味道好濃郁，蟹膏味喺口腔入邊爆發，喺嗰一下，你真係唔會想講嘢，只想好好