盛記盆菜&盛記麵家

營業中

休息中

嚟到盛記打邊爐，一入嚟就比周圍嘅環境吸引，好有中國風，又帶點藝術的感覺，加埋風趣嘅老闆，一入嚟已經充滿好感。叫咗醉雞鍋，配埋新鮮本地牛肉、鮮炸響鈴、魚角、魚皮餃、聽呀姐推介嘅魚生、同埋豬爽肉，阿姐不斷地提示我們夠了，彷彿害怕我們食唔晒一樣，個感覺好得意，唔係不斷地推銷我們而係不斷地勸阻我們嗌食物。本地牛肉肉質非常新鮮，灼一灼就可以食得，簡直食到唔停得口，響鈴較出邊賣嘅比較厚身，烚一烚後食有種豆香和粗糙感，豬爽肉又係另一個好得意嘅選擇，肉質彈牙，醉雞鍋雞件夠多，亦都嫩口，酒味好濃郁，是貨真價實的火鍋，誠意推介大家嚟試吓。