影片
更多
2021-04-05
141 瀏覽
想試呢間好耐啦，約埋幾個朋友揾個星期日去食。地點都幾易揾，而且星期日晚唔滿座，坐得幾舒服。黎到西班牙餐廳，又點可以唔嗌tapas呢？我地首先叫左個薄切慢煮八爪魚（$78）呢樣係其中一個推介菜式，好簡單嘅材料，但個sauce令八爪魚嘅味道生色不少。另外一道常見西班牙菜：西班牙薯仔蛋餅（$78）可以想像到嘅味道🤣但蛋同薯仔呢個配搭又幾好味，而且隻蛋又唔會過老，仲好嫩滑西班牙黑毛豬肉丸，伴烤甜椒醬（$78）肉丸係炸過嘅，但肉質唔會過老，而且必須讚下，啲西班牙醬汁配食材真係一流燉煎慢煮鴨胸配甜些厘酒汁伴炸番薯條（$128）剪鴨胸嘅時間控制得啱啱好，食落一啲都唔韌，口感非常好，個晚其中一個幾impressed嘅菜式西班牙海鮮鍋飯（$188）當晚略為遜色嘅main dish，材料足嘅，不過味道同想像中有出入，唔算好啱我口味呢間嘅tapas都ok，希望下次可以再試下其他款式。價錢方面正正常常，唔係平，但以食西班牙菜嘅餐廳而言，又唔算overpriced的，如果想食特別啲氣氛又好啲嘅餐廳，可以試下！
黎到西班牙餐廳，又點可以唔嗌tapas呢？
我地首先叫左個薄切慢煮八爪魚（$78）
呢樣係其中一個推介菜式，好簡單嘅材料，但個sauce令八爪魚嘅味道生色不少。
另外一道常見西班牙菜：西班牙薯仔蛋餅（$78）
可以想像到嘅味道🤣但蛋同薯仔呢個配搭又幾好味，而且隻蛋又唔會過老，仲好嫩滑
西班牙黑毛豬肉丸，伴烤甜椒醬（$78）
肉丸係炸過嘅，但肉質唔會過老，而且必須讚下，啲西班牙醬汁配食材真係一流
燉煎慢煮鴨胸配甜些厘酒汁伴炸番薯條（$128）
剪鴨胸嘅時間控制得啱啱好，食落一啲都唔韌，口感非常好，個晚其中一個幾impressed嘅菜式
西班牙海鮮鍋飯（$188）
當晚略為遜色嘅main dish，材料足嘅，不過味道同想像中有出入，唔算好啱我口味
呢間嘅tapas都ok，希望下次可以再試下其他款式。價錢方面正正常常，唔係平，但以食西班牙菜嘅餐廳而言，又唔算overpriced的，如果想食特別啲氣氛又好啲嘅餐廳，可以試下！
張貼
