爽爽麵店 (已搬遷) 新店位置

一直有食開爽爽醉雞，但都係朋友幫手買外賣，堂食今日係第一次，之前都有黎過幾次，但都撞正休息（原本話逢星期三休息，但原來唔一定架，要睇佢門外貼住嘅休息日子先作準）今日有幸撞到開門，梗係要入去食啦！我叫咗個醉雞米，店員問要冰鮮雞（$38）定新鮮雞（$50），我諗應該新鮮會好味d嘅，就叫新鮮雞+一支菊花茶（$1x) 一食落口，雞的確滑，但酒味唔太濃，我先諗起之前朋友幫我買嘅應該係冰鮮雞，果陣食親都覺得勁入味，好香濃嘅酒味，再將醉雞汁倒係米粉做湯，超正！反而今日試嘅新鮮雞味道就唔太突出。唔知係關腌製時間事，還是關雞事呢？我下次食，一定食返冰鮮雞！