影片
更多
2018-12-07
50 瀏覽
今日食咗呢一間行過好容易睇漏眼嘅葵🙊😂 鋪頭細細得十幾個位到 門面又冇啲好搶眼嘅大招牌 難怪同對面兩間拉麵店比較 人流相對少啲🙊 七點半去到嘅時候基本上都係任坐 搞到我都諗咗一諗😂 但試完我又覺得幾好喎 應該只係宣傳得未夠多 值得支持吓👍🏻雖然鋪面唔大 但係座位之間唔會太迫🙊 而且裝修一睇就知道 應該係新開張 乾淨又企理👍🏻鋪頭主打雞白湯拉麵 variations又有知你同辣味噌味 價錢全部都係$85樓下 算係幾抵🤫 而且仲有好多特色飲品 我偷偷望左望個雪櫃 係支裝嘅 唔係平時去放題任飲嗰啲普通嘢😛我同朋友叫咗原味同辣味 加兩款飲品同餃子😋首先試個餃子🥟真係好有驚喜！因為佢個Menu度淨係寫‘餃子’兩個字😂 我自動假設左佢係日式豬肉餃 點知原來係軟骨做餡 好有香味又爽脆🙊 配埋啲酸酸嘅餃子汁 好開胃兩碗拉麵出場 三塊肉 有糖心蛋 湯底睇落唔會太油 靚靚仔仔 我唔客氣啦😚 兩塊肉係厚切 有少少粉紅色 但係熟嘅 唔痴牙又唔韌 唔錯🤣 第三塊叉燒就有條筋係中間 比較有咬口 鹹魚青菜各有所愛啦😜湯底幾好味 我記得喺上環都食過另一間專賣雞白湯嘅拉麵 要成140蚊碗嗰間🙊 佢哋嗰個雞白湯係濃味啲嘅
雖然鋪面唔大 但係座位之間唔會太迫🙊 而且裝修一睇就知道 應該係新開張 乾淨又企理👍🏻
鋪頭主打雞白湯拉麵 variations又有知你同辣味噌味 價錢全部都係$85樓下 算係幾抵🤫 而且仲有好多特色飲品 我偷偷望左望個雪櫃 係支裝嘅 唔係平時去放題任飲嗰啲普通嘢😛
我同朋友叫咗原味同辣味 加兩款飲品同餃子😋
首先試個餃子🥟真係好有驚喜！因為佢個Menu度淨係寫‘餃子’兩個字😂 我自動假設左佢係日式豬肉餃 點知原來係軟骨做餡 好有香味又爽脆🙊 配埋啲酸酸嘅餃子汁 好開胃
兩碗拉麵出場 三塊肉 有糖心蛋 湯底睇落唔會太油 靚靚仔仔 我唔客氣啦😚
兩塊肉係厚切 有少少粉紅色 但係熟嘅 唔痴牙又唔韌 唔錯🤣 第三塊叉燒就有條筋係中間 比較有咬口 鹹魚青菜各有所愛啦😜
湯底幾好味 我記得喺上環都食過另一間專賣雞白湯嘅拉麵 要成140蚊碗嗰間🙊 佢哋嗰個雞白湯係濃味啲嘅 呢度就清淡少少 不過都一樣飲到好似雞湯咁嘅味 夠哂香😛
麵底講真就唔係一流水準 可能我鍾意食麵條粗身啲同煙韌啲嘅拉麵😂 但係我覺得同香港一風堂嗰種超級有即食麵感覺嘅比較 呢間已經好好多🤣 另外我鍾意店家落咗新鮮粟米係碗麵度 唔係罐頭嗰種浸晒糖一粒粒 好明顯睇到係原條粟米到切落嚟 即刻覺得個湯好都鮮甜左😂
等我哋就揀咗靜崗抹茶可樂同富士山柚子梳打 都係啲比較少見嘅汽水類飲品 包裝好靚 味道都唔錯😁 富士山柚子梳打有柚子味 但唔會好似其他市面上嘅柚子飲品咁甜👍🏻
最後埋單$234 已經有拉麵有飲品有小食 好ok啦🥳 我覺得以環境同價錢嚟計 呢間餐廳都值得更加好生意 祝老闆大展鴻圖 越做越旺啊😂
張貼
