宮保 (已結業)

呢間係一間新加坡菜，但個人認為佢嘅田雞煲同埋粥真係必食。圖入面嘅田雞煲同埋粥都只係一至兩個人嘅份量，但我哋兩個人食都覺得好夠食。田雞有三隻，肉相當之滑同埋彈牙。再加少少田雞煲嘅汁落去白粥入面，撈埋一齊食，非常之好味。而白粥煮得好綿好滑。另外，我哋仲叫咗宮保炒飯。呢個炒飯炒得相當乾身，完全唔會有多餘嘅油。入面有好多蛋、叉燒粒，同埋臘腸等等。隔離仲有兩條菜心。炒飯味道甜甜地，相當適合香港人口味。所以呢個炒飯我都覺得非常之值得食。