影片
更多
2022-05-26
310 瀏覽
家常麵 （黃大仙）黃大仙鳳凰新村環鳳街11號地舖紅油炒手$ 38 8隻以前食過其他餐廳，會用好重分量嘅辣油調味同上色。好多時食落都會好油膩🤨。但哩間餐廳用嘅辣油、調味醬汁都唔多而且唔濃，所以雲吞味好出。雲吞餡夠足料系基本😆入面嘅菜同肉比例好均勻，菜粒好爽口，整體口感爽滑。一啖一粒滑入口好滿足！餐廳提供左秘製辣醬，我配炒手食覺得好正，埋單仲買咗一罌辣醬番屋企食 。9.5/10分蒸餃子$30 8隻好大隻！食一隻要分開兩啖食。咬開一半睇到入面餡料有4～5樣。韭菜汁滲曬入肉碎入面，好有鮮味！餃子皮夠厚而且包得好實，夠飽肚之餘鎖死曬啲汁系餃子入面。雖然未至於會漏汁但已經超有水準。個蒸籠睇落好特別，好想問下老板娘系邊度買定係獨家製作…不過佢太忙我廢事阻到佢😅9/10菜肉雲吞擔擔麵$48擔擔麵嘅湯底唔會好杰。味道夠濃，麻醬一定唔係食腸粉果隻麻醬。（之前試過啲餐廳嘅擔擔麵，個湯底食落好似同腸粉嘅麻醬差唔多🥲感覺好冇誠意…）麵質我覺得偏淋少少。不過份量系ok。菜肉雪吞真系唔再多講…哩間餐廳嘅餃子雲吞真系好高質好抵，得4隻但完全夠食。9/10香炸雞翼$25 3隻如果X仔土匪雞翼香草雞翼有8分，哩間嘅雞翼我
黃大仙鳳凰新村環鳳街11號地舖
紅油炒手$ 38 8隻
以前食過其他餐廳，會用好重分量嘅辣油調味同上色。好多時食落都會好油膩🤨。但哩間餐廳用嘅辣油、調味醬汁都唔多而且唔濃，所以雲吞味好出。雲吞餡夠足料系基本😆入面嘅菜同肉比例好均勻，菜粒好爽口，整體口感爽滑。一啖一粒滑入口好滿足！餐廳提供左秘製辣醬，我配炒手食覺得好正，埋單仲買咗一罌辣醬番屋企食 。9.5/10分
蒸餃子$30 8隻
好大隻！食一隻要分開兩啖食。咬開一半睇到入面餡料有4～5樣。韭菜汁滲曬入肉碎入面，好有鮮味！餃子皮夠厚而且包得好實，夠飽肚之餘鎖死曬啲汁系餃子入面。雖然未至於會漏汁但已經超有水準。個蒸籠睇落好特別，好想問下老板娘系邊度買定係獨家製作…不過佢太忙我廢事阻到佢😅9/10
菜肉雲吞擔擔麵$48
擔擔麵嘅湯底唔會好杰。味道夠濃，麻醬一定唔係食腸粉果隻麻醬。（之前試過啲餐廳嘅擔擔麵，個湯底食落好似同腸粉嘅麻醬差唔多🥲感覺好冇誠意…）麵質我覺得偏淋少少。不過份量系ok。菜肉雪吞真系唔再多講…哩間餐廳嘅餃子雲吞真系好高質好抵，得4隻但完全夠食。9/10
香炸雞翼$25 3隻
如果X仔土匪雞翼香草雞翼有8分，哩間嘅雞翼我比9分…熱啲，多汁啲，滑啲。完。
飲品
陳皮山楂洛神花茶 $15
洛神花茶意外位置唔會太甜，甜度適中，成杯好醒神。
豆漿 $8
豆漿好滑，又唔會有渣，上枱嘅時候面仲有一陣薄冰，幫我解暑。
甜品
杞子桂花糕 $18 4件
呢隻桂花糕好清甜，老闆娘仲特登用酒釀，令到成件桂花糕除咗清甜之外又帶有少少酒味，真係好好食。
整體黎講，哩間餐廳比我印象好深。睇落真係平平無奇，但所有菜式食落都好有驚喜。餃子、雲吞，真系好用心整。真系有“家”的感覺。因為我一直覺得只有屋企人包嘅餃子先會有新鮮材料同充足餡料。而雞翼炸得好都真系難，火喉同時間都要好準～真係冇預計過喺呢一間主打食麵嘅餐廳可以有高水準嘅小食。過兩日放假一定帶屋企人黎試下😆
張貼
