影片
更多
2018-01-07
400 瀏覽
前日晚餐去左呢間開左唔係好耐既川菜試下～一入去幾乾淨幾寬敞，雖然食客多但好彩唔洗點等就入得。餐牌選擇唔算好多，不外乎湯麵、拌麵、湯飯、炒麵，因為唔食辣又唔食牛，我地各嗌左個風味三絲拌麵同鹽焗手撕雞拌麵。風味三絲炒麵，配料係豬肉片、紫洋蔥同蛋絲，睇碟邊就知幾油。麵既口感似上海擔擔麵，色夠味夠，但偏鹹而且好油膩；配料唔多，除左洋蔥其實得四塊比較大少少既肉片，其餘都係小肉塊，蛋絲得幾條。值得欣賞既係大大碟，一定買到飽肚兩個字，一個大男人食到4/5碟。鹽焗手絲雞拌麵，呢個撈完先記得影相，原先賣相好睇啲既。拌麵係同手絲雞同青瓜絲分開上，等你可以隨自己食法去食，但店員建議拌完先食會好食啲。手絲雞，份量幾足，好重鹽焗味，但都係偏鹹，勝在雞絲肉質嫩滑。青瓜絲，幾新鮮，為偏油既拌醬增添左啲清新解膩既感覺。拌麵都係似擔擔麵既麵，醬汁喺底，面頭配上炸黃豆同肉碎。炸黃豆第一次食，好脆，但無咩味，我都係中意以前食開既炸花生。醬汁同肉碎好鹹，而且偏乾身，拌完個麵都係好乾，口感好糊同偏油。整體黎講都係果句，可以買到飽肚兩個字
一入去幾乾淨幾寬敞，
雖然食客多但好彩唔洗點等就入得。
餐牌選擇唔算好多，
不外乎湯麵、拌麵、湯飯、炒麵，
因為唔食辣又唔食牛，我地各嗌左個風味三絲拌麵同鹽焗手撕雞拌麵。
風味三絲炒麵
$46
38 瀏覽
0 讚好
0 留言
風味三絲炒麵，配料係豬肉片、紫洋蔥同蛋絲，睇碟邊就知幾油。
麵既口感似上海擔擔麵，色夠味夠，但偏鹹而且好油膩；
配料唔多，除左洋蔥其實得四塊比較大少少既肉片，其餘都係小肉塊，蛋絲得幾條。
值得欣賞既係大大碟，一定買到飽肚兩個字，
一個大男人食到4/5碟。
鹽焗手撕雞拌麵
$49
25 瀏覽
0 讚好
0 留言
鹽焗手絲雞拌麵，呢個撈完先記得影相，原先賣相好睇啲既。
拌麵係同手絲雞同青瓜絲分開上，等你可以隨自己食法去食，
但店員建議拌完先食會好食啲。
手絲雞，份量幾足，好重鹽焗味，但都係偏鹹，勝在雞絲肉質嫩滑。
青瓜絲，幾新鮮，為偏油既拌醬增添左啲清新解膩既感覺。
鹽焗手撕雞拌麵
$49
28 瀏覽
0 讚好
0 留言
炸黃豆第一次食，好脆，但無咩味，我都係中意以前食開既炸花生。
醬汁同肉碎好鹹，而且偏乾身，拌完個麵都係好乾，口感好糊同偏油。
整體黎講都係果句，可以買到飽肚兩個字
張貼
