富臨皇宮 (已結業)

一家人食飯唔知去邊好，最後阿媽就話近近地去富臨，聽人講過都係唔錯既選擇。菜式方面咩都有，海鮮，小炒，湯，粥粉麵飯。可以問埋部長果日有咩新鮮，推介一下。先黎個湯先，隨手送上湯渣，你就會感覺到幾足料，而且唔多味精。豉汁煎大鱔食得出其鮮味，份量對得住價錢，豉汁唔會蓋過鱔味。薯仔牛仔粒好惹味，以黑椒黎調味係一個好好既選擇，牛肉粒唔會老，而黑椒同牛肉味滲入薯仔入邊。每一次去酒樓食飯我地屋企都會叫菠蘿生炒骨，一黎好送飯，二黎我地都好鍾意酸酸甜甜果種味道。富臨既生炒骨不錯，味道恰好，又唔會話搞椒菠蘿多過肉。乳豬係少不了的。送上時仲熱烘烘，皮燒得香脆，肥瘦分明。