富臨漁港 (已結業)

係觀塘返工，雖然四圍好多工廠大廈好多嘢食，但如果帶屋企人一齊去嘅地方就真係唔算太多。今日上咗觀塘廣場嘅富臨漁港食晚飯。想到去嘅時候都見到幾多人下，好多都係一家大細一齊食飯。而且都坐得幾舒服嘅事，又有電視睇。我哋叫食鮑魚，三個小菜，一個湯再加經理推介嘅生煎包。小菜方面全部都好滿意，份量啱啱好，而且好新鮮。特別推介嘅係呢條白膳，好香魚味，而且又唔會太油膩，啱晒老人家食。另外一個重點推介係呢個生煎包。估唔到佢咁好食，外脆內軟，而且餡料都好充足。埋單都係六百幾蚊，四個人食再加上咁多餸菜都真係算好抵！我哋以後又多一個食飯好去處了