一汁一菜 (源成中心)

營業中

休息中

觀塘教會崇拜🤩後食一汁一菜，之前話冇BB櫈同埋冇位所以冇食。今次剩係帶陳皮妹出街，所以一家三口試下。入到去最後一張四人枱，好彩，QR code落單，叫咗和風定食（$109），升呢法式龍蝦🦞濃湯🍲（+$10），幾好👍🏻飲，有龍蝦🦞肉，小食揀咗明太子🤴醬厚燒玉子，凍食，味道👅一般，主菜揀咗自家製野菌醬燒和牛漢堡扒，點知個醬係酸，唔🙄啱我，俾錢🤌時反映咗俾收銀聽，收銀問返厨房先知加咗茄汁🥫所以酸😅，飯🍚升呢做北海道蟹膏蟹肉味噌飯（+$20），不過質素似元氣壽司🍣，下次唔會加錢，餐飲揀咗熱日本🇯🇵綠茶🍵，出奇地好飲，好清新，唔係開粉嗰d。另一個餐叫咗咖喱🍛定食，湯🥣揀咗北海道產甜粟🌽雞肉🍗豆乳濃湯🍲，唔錯👍🏻，但冇尋日荃灣洋食屋咁好飲，主菜叫咗豚肉丸子🍡豆乳咖喱🍛飯，咖哩幾好👍🏻食，送飯一流，餐飲凍蜜桃紅茶。甜叫叫咗一汁一菜拉提拉米蘇（$49），唔係好明加「一汁一菜拉」做乜，不過味道都ok，大份。食飽大滿足😌