北京老家 (已搬遷) 新店位置

有幾位朋友生日，星星選了這間北京菜。叫了北京填鴨，柚子魚，鍋塌豆腐，宮保雞丁，雞絲粉皮，上湯雲吞，蔥爆羊肉，蛋白蝦仁炒飯及拔絲香蕉。最滿意係北京填鴨，皮同肉的比例啱啱好，唔多肥肉或無肉，味道濃淡適中。柚子魚感覺清新（ 醬汁真係有柚子肉），不過條魚唔多肉，d骨都唔食得。葱爆羊肉，食一第啖唔覺係羊，再食就食到羊的騷味。整體來說覺得葱爆呢個煮法唔適合羊肉。鍋塌豆腐味道好好，豆腐好滑，大人同小朋友都鍾意食。蛋白蝦仁炒飯中規中矩，足料，味道適中。宮保雞丁味道有d濃，少少辣，都算野味。雞絲粉皮都算好味，好快食晒。上湯雲吞沒有什麼特別。拔絲香蕉的賣相同味道都一流!今次坐房內，環境算舒適。裝修富中國色彩。有小童椅。