泉章居 (已結業)

是晚團年飯，一行十多人，冇咩餐廳選，加上團年飯，一定係食中式，所以選了老字號泉章居。叫了兩個8人餐，選了炸蟮，兩隻焗雞，炸魷魚，牛仔骨，芥蘭立腸，茄子班煵，西蘭花，兩個羊腩煲。可能還有兩星期先到農曆新年嘅關係，今晚人不多，座得幾舒服。食物上桌速度好快，落單後10分鐘左右就送上，可惜待應不夠，叫了很久先有待應來，有個待應仲黑面。 炸魷魚絲同焗雞不過不失，雞嘅份量很足亦夠入味，我地大約食剩1/4隻雞。牛仔骨整得幾腍，但鍋底勁多油。茄子班腩不過不失，班腩份量算多，但不大有魚味。羊腩煲見多人叫，就跟風叫，但羊肉非常少，味道不錯，一點也不羶，但貴了點。整體泉章居落嘅味精都幾重手，食完飯後一段時間都仲好口渴，但以團年飯來算，算方便揾位，又有應節食品供應。