影片
更多
2022-07-26
79 瀏覽
朋友一路想試呢間餐廳, 但weekend成日都要排隊, 於是約左平日夜晚黎試下,未食前已經係openrice睇過餐牌, 好多人都讚牛,就唸住試下點知去到發現原來剛剛轉左menu 徹底個隻😆日式變西式....Anyway 照試😄餐廳係開放式廚房, 感覺好開揚, 我幾鐘意餐廳係開放式廚房, 比食客見到廚房既運作, 對食物既製作過程比較放心❤我地兩個人揀左個二人餐, 二人餐包括2款小食,2個主菜,1款甜品, 手機掃code落單,簡單方便小食--叫左水牛城雞翼+慢煮雞胸肉凱薩沙律🍽水牛城雞翼分量比想像中多😮, 有6隻算幾大size既雞翼雞翼炸得香口得黎仲幾juicy…平時水牛城雞翼係有pat厚身既醬搽係雞翼上面既,但呢個幾特別既係整成相對比較稀既醬汁比你點黎食……雞翼本身醃既味道比較淡身,但加埋好香濃既水牛城sauce就剛剛好 🍽慢煮雞胸肉凱薩沙律黎埋個沙律, 我地不約而同慶幸無揀到另一款黑松露薯條做小食,因為佢地小食既分量一d都唔少,非常有誠意😀 我地叫左兩個飯, 如果再黎多碟大薯條既話, 真係會食唔曬個沙律係好fresh, 雞肉都有4大塊甘多平時凱薩沙律比較少見既粟米,蘋果同藍莓到主菜啦,
點知去到發現原來剛剛轉左menu 徹底個隻😆日式變西式....Anyway 照試😄
餐廳係開放式廚房, 感覺好開揚, 我幾鐘意餐廳係開放式廚房, 比食客見到廚房既運作, 對食物既製作過程比較放心❤
我地兩個人揀左個二人餐, 二人餐包括2款小食,2個主菜,1款甜品, 手機掃code落單,簡單方便
小食--叫左水牛城雞翼+慢煮雞胸肉凱薩沙律
🍽水牛城雞翼
分量比想像中多😮, 有6隻算幾大size既雞翼
雞翼炸得香口得黎仲幾juicy…平時水牛城雞翼係有pat厚身既醬搽係雞翼上面既,但呢個幾特別既係整成相對比較稀既醬汁比你點黎食……雞翼本身醃既味道比較淡身,但加埋好香濃既水牛城sauce就剛剛好
🍽慢煮雞胸肉凱薩沙律
黎埋個沙律, 我地不約而同慶幸無揀到另一款黑松露薯條做小食,因為佢地小食既分量一d都唔少,非常有誠意😀 我地叫左兩個飯, 如果再黎多碟大薯條既話, 真係會食唔曬
個沙律係好fresh, 雞肉都有4大塊甘多
平時凱薩沙律比較少見既粟米,蘋果同藍莓
到主菜啦, 揀左黑松露干貝奶油燉飯同紅咖喱牛肉燉飯
🍽黑松露干貝奶油燉飯
賣相吸引, 干貝有4大粒, 煎得剛剛好, 個飯有好香既奶油味,但又唔會太濃或者’漏’, 最特別既係有一粒粒好脆口既藜麥, 增加口感, 仲有乾身既菇同流心蛋 👍🏻 非常推薦
🍽 紅咖喱牛肉燉飯
平時一般都食開黃咖喱, 好少食紅咖喱仲要係燉飯, 幾特別, 偏甜,味道不錯, 牛肉夠’淋’,同樣有脆藜麥增強口感
🍽莓莓燕麥奶搖 $58
個餐無包野飲,呢杯係另外加既
燕麥奶昔比較少見, 成功催眠自己燕麥奶健康d 無甘肥, 叫黎試下啦...😍點知...真係無叫錯, 好好飲! 香濃士多啤梨味, 夠smooth 又唔會太thick♥️ 如果再大杯d就好囖, 朋友都話要返屋企試下自己整! 下次試埋芒果
🍽是日甜品-心太軟+雪糕
其實我覺得香濃流心朱古力蛋糕+雪糕,係好難唔好食.... 你會expect大部分都係差不多既味道, 但呢個心太軟有d 驚喜既地方就係佢既雪糕, 用左Baileys 雪糕🍦🤭 好唔錯
💁🏻♀️Menu既選擇唔係特別多, 但可能就係甘, 廚房可以集中做好每道菜, 感受到每道菜式都有花d心思… 會再encore既餐廳🌹🌹
張貼
