泓一拉麵

營業中

休息中

對上一次嚟食唔使排隊，食過魚介沾麵之後，都想食吓泓一最出名嘅雞白湯拉麵。不過每次咩時間行過都人氣不減😂連落雨都有人龍。-事隔一年再去泓一食，沾麵得返一款海老沾麵，而雞白湯拉麵都加咗價🙊▪️雞白湯拉麵$98:期待已久，雞白湯拉麵出場。內有溏心蛋、雞肉、叉燒、筍、蔥花、幼拉麵。第一啖飲奶白色湯底雞味都濃，係可以邊食邊飲嘅湯底。原粒溏心蛋依然同之前食沾麵一樣，差唔多留到最後先食粒蛋都係溏心狀。麵條較幼身，掛湯。但始終都係鍾意粗麵多啲，如果有返雞白湯沾麵就好。-之前一樣，入面都係7個位。今次繁忙時間嚟食，等50分鐘，食20分鐘。食過先知好唔好味～值唔值得排隊食就自己恆量啦。