Lady M

營業中

休息中

Lady M既千層蛋糕，相信呢家一講出黎好多人都識，今次已經系第3次食了，依然系覺得咁好味咁正，雖然冇左種新鮮感，但幸福感仍不減先附上人龍照片一張，我同男朋友去嗰陣其實係冇人龍，好幸運地等左5分鐘左右就有得入去坐，人龍差唔多係我同佢開始食左15分鐘後就出現，可能我哋去得早，所以仲未有好多人排隊，如果比較肚餓嘅就要早啲去啦。一間甜品店要出色除咗味道之外人手亦係十分重要，睇到至少有五六個職員系度忙，可見對運作十分認真。人龍分為枱食同埋外賣，如果外賣嘅就喺呢度直接買，細分仲有分埋成個蛋糕咁賣同埋一件件咁賣，堂食嘅就應該絕大部份都係一件件買，有啲人可能當生日蛋糕咁就會成個買。今次係我第二次食原味，味道同上次差唔多，雖然有好多cream，但真心一啲都吾漏，每一層既皮都好薄，好似食緊啲「薄餐」咁試過有啲千層蛋糕根本就冇細分成一層層，Lady M算系我食過最正宗嘅千層蛋糕，$68有咁既質素系值既。第一次食伯爵茶味，伯爵茶味也是不俗的，但伯爵茶味略淡，食落都有淡淡既伯爵茶香既，面頭戈層應該系伯爵茶味嘅啫喱？真係唔知係咩黎，不過係幾好食同埋令外型加左分，值但對比起原味我都係鍾意食原味多啲。