彩福皇宴 (已結業)

環境4分：正常中式酒樓格局，牆上有結婚擺酒佈置，唔會坐得好迫，有房可以訂，可以畀四分。衛生4分：地方都叫整齊，有枱布又有公筷，四分。服務3分：樓面伙計態度正常，都叫爽手，正常三分。味道4分：1)      蒜茸開邊蒸龍蝦都幾大隻，Ｄ肉厚但就夠爽夠脆，兩個人食完一隻唔夠皮要加多隻。2)      南乳雞好脆皮，Ｄ肉都算幾滑。3)      椒鹽鮑魚呢，唔講以為自己食緊椒鹽魷魚鬚，三樣入面最差。抵食4分：平均一舊水隻龍蝦，連大樽嘉士伯都只係十八個八，真係好抵，不過鮑魚唔及格要扣分。