影片
更多
2020-02-06
230 瀏覽
2020.01.19 鮨見自從畢業出嚟工作，每年生日都會同一位識左10幾年嘅朋友慶祝，而大家都好鍾意食日本嘢，今次揀左位於尖東嘅鮨見。鮨見林立於尖東比較靜嘅商業大廈之內，附近人流較少。餐廳門口以日式設計趟門，加上日本餐廳帆布簾點綴。餐廳內部一眼可見，吧枱以L型設計，可以坐大約7-8人。(之後先知有一個私人包廂係門口左手邊，私隱度高，師傅都會去嗰邊介紹食物嘅)餐廳晚市只有廚師發板omakase選擇，有2個set，價錢只差300。每次諗食omakase都係想食好嘢姐，所以每次都會秒速決定食貴啲嗰個哈哈，而且set b有我最想食嘅海膽杯。鮨見嘅只有一位師傅，係日本人，識講啲廣東話，所有食物都係由佢一位準備，每上一道菜都會盡力介紹到令我地明白為止，好有心！跟住就開始食嘢，中途會不斷添熱茶。先嚟前菜：師傅親自醃製嘅芝麻八爪魚同豆腐，口感彈牙同必須有嘅滑滑茶碗蒸。前菜比較似家庭式料理，設計上係無咩特別，不過呢2樣我本身都鍾意食。跟住就到刺身assorted sashimi。鮟康魚肝配上黑松露：魚肝脂質豐富，口感綿密（我覺得好食過鵝肝）；黑松露香味四溢，配上魚肝更能帶出鮮味，兩者相得益彰。鱈魚白子：
自從畢業出嚟工作，每年生日都會同一位識左10幾年嘅朋友慶祝，而大家都好鍾意食日本嘢，今次揀左位於尖東嘅鮨見。
鮨見林立於尖東比較靜嘅商業大廈之內，附近人流較少。餐廳門口以日式設計趟門，加上日本餐廳帆布簾點綴。餐廳內部一眼可見，吧枱以L型設計，可以坐大約7-8人。(之後先知有一個私人包廂係門口左手邊，私隱度高，師傅都會去嗰邊介紹食物嘅)
餐廳晚市只有廚師發板omakase選擇，有2個set，價錢只差300。每次諗食omakase都係想食好嘢姐，所以每次都會秒速決定食貴啲嗰個哈哈，而且set b有我最想食嘅海膽杯。
鮨見嘅只有一位師傅，係日本人，識講啲廣東話，所有食物都係由佢一位準備，每上一道菜都會盡力介紹到令我地明白為止，好有心！
跟住就開始食嘢，中途會不斷添熱茶。
先嚟前菜：
師傅親自醃製嘅芝麻八爪魚同豆腐，口感彈牙同必須有嘅滑滑茶碗蒸。
前菜比較似家庭式料理，設計上係無咩特別，不過呢2樣我本身都鍾意食。
跟住就到刺身assorted sashimi。
鮟康魚肝配上黑松露：魚肝脂質豐富，口感綿密（我覺得好食過鵝肝）；黑松露香味四溢，配上魚肝更能帶出鮮味，兩者相得益彰。
鱈魚白子：白子新鮮無腥味，炙燒過後有微微嘅焦香，配上醬油汁，口感嫩滑。（白子係冬天當造嘅產物。食白子絕對唔可以諗佢本身係咩，先真正體會到佢嘅鮮味。）
鰻魚苗：半透明嘅魚苗魚味本來較淡，口感又軟又滑，有淡淡鮮味。
藍鰭吞拿魚赤身|深海池魚：師傅教我地要由右邊開始食。相信係藍鰭吞拿魚赤身，肉質鮮嫩無筋，口感軟熟；深海池魚經過輕微炙燒帶出魚油，香氣濃郁，肉質彈牙。
藍鰭吞拿魚拖羅|北海道海膽：呢個組合真係令人感動到喊，炙燒拖羅嘅油脂配上新鮮海膽嘅鮮甜，真係人間美食😭
鮑魚配蟹膏醬：鮑魚彈牙爽口，配上香濃嘅蟹膏，食哂鮑魚後，師傅會即刻捏一小球北海道精米嘅飯糰，教我地點蟹膏食。
食完刺身都有少少飽，但師傅好快手，已經準備好上壽司俾我地。每件壽司都加左新鮮磨嘅生葵，開胃又醒神。
櫻花鯛：命名於魚肉帶有少少櫻花嘅顔色，季節限定之一，入口嫩滑鮮味。
深海池魚（縞鰺）：肉質細緻爽口，加上炙燒過嘅魚皮滲出油份，令人印象深刻。
藍鰭吞拿魚赤身：口感柔軟無筋，但上面嘅醬汁有畫蛇添足感覺。
牡丹蝦：蝦肉肥碩極富彈性，味道甘甜濃郁，餘味悠長，配上毫無腥味嘅淡藍色蝦子。
藍鰭吞拿魚拖羅|北海道帶子：食緊第N件藍鰭吞拿，今次界花更密更深，炙燒後魚油更多|帶子肉紋理清晰，鮮美彈牙。
仲有我影得好醜嘅廣島蠔：蠔面輕輕炙燒過，帶有微微焦香，內𥚃蠔肉依然鮮嫩甜美。（師傅叫我地一手一口食左件壽司，所以好急無影）
食完壽司，就到壓軸出場嘅海膽杯：永遠都係必勝嘅海膽、三文魚籽、甜蝦組合，下面係北海道精米。一啖充滿鮮味嘅刺身，一啖精米飯中和番，感覺美好。
食完各類刺身後，會奉上用魚骨煮出嚟嘅味噌湯，有淡淡清香，暖胃一流。
最後以香甜嘅北海道哈蜜瓜作結，好滿足。
有機會會再嚟試埋lunch set!
張貼
