影片
更多
2018-08-23
532 瀏覽
每年到左呢姨婆生日呢個日子，我又會頭痛帶一家大細去邊到食飯，雖然姨婆已經移民左去加拿大十七年，但每年呢個日子番黎都一定要食一道正宗既中國菜，時間耐左，食黎食去都係果幾間，大家都覺得悶，所以今年決定搞搞新意思。一頓美好既晚飯一定唔少得靚湯水，通常屋企都會習慣飯前先飲一碗湯，香茜皮蛋魚雲湯$168 清甜有魚鮮味，我好中意食皮蛋但又好怕係出面食會食到D皮蛋有酸味，呢度既皮蛋唔酸而且好香，一舊舊魚雲落足料有湯飲又有餸食。欖角蜜餞一字骨 $128 可以話係今餐既亮點，煎成金黃色既一字骨半肥瘦有咬口，蜜餞少少甜好開胃，食完之後口腔留下一淡淡既欖香味，兩個小朋友對佢更加愛不釋手，呢個時侯不忘對小孩教導分享既美德，只見姨婆笑到見牙唔見眼話：細蚊仔食到就好！經服務員熱心介紹下，點左呢一味 潮式油浸鹹鮮黃花$188外脆內軟，經高溫油炸，魚肉鮮嫩多汁，我大膽估計大廚應該有翻炸一次逼出多餘油份，令到入口并唔油膩。鹹蛋黃冰鮮中蝦$128，蝦睇落去新鮮得無可挑剔，脆脆既蝦殼可以連殼食，因為姨婆對蝦殼過敏，所以最後我負責食殼，姨婆食蝦肉。蝦殼有好香既咸蛋味，鬆脆到好似食薯片咁，蝦頭經過處理十分細心。 古方秘制鹹蔥油
香茜皮蛋魚雲湯
$168
11 瀏覽
0 讚好
0 留言
欖角蜜餞一字骨
$128
25 瀏覽
0 讚好
0 留言
蜜餞少少甜好開胃，食完之後口腔留下一淡淡既欖香味，兩個小朋友對佢更加愛不釋手，呢個時侯不忘對小孩教導分享既美德，只見姨婆笑到見牙唔見眼話：細蚊仔食到就好！
潮式油浸鹹鮮黃花
$188
9 瀏覽
0 讚好
0 留言
經服務員熱心介紹下，點左呢一味 潮式油浸鹹鮮黃花$188外脆內軟，經高溫油炸，魚肉鮮嫩多汁，我大膽估計大廚應該有翻炸一次逼出多餘油份，令到入口并唔油膩。
鹹蛋黃冰鮮中蝦
$128
21 瀏覽
0 讚好
0 留言
鹹蛋黃冰鮮中蝦$128，蝦睇落去新鮮得無可挑剔，脆脆既蝦殼可以連殼食，因為姨婆對蝦殼過敏，所以最後我負責食殼，姨婆食蝦肉。蝦殼有好香既咸蛋味，鬆脆到好似食薯片咁，蝦頭經過處理十分細心。 
古方秘制鹹蔥油新鮮雞(半隻)
$198
22 瀏覽
0 讚好
0 留言
鄉下佬炒什菜
$118
12 瀏覽
0 讚好
0 留言
鄉下佬炒什菜$118，有西蘭花，菜心，生菜，白菜等，鑊氣十足，蒜香十分惹味，姨婆話呢道菜令佢回想起以前未移民個陣鄉下最中意將D現成既野炒埋一碟，聽住姨婆講起一段段既往事，就係咁樣，一家五口笑笑鬧鬧又過一年。
張貼
