蠔酒吧

營業中

休息中

一年一度蠍子生日，小獅要早2星期前訂，因為又平又靚就好易full,例牌上海銀行咭優惠蛋糕，1枝紅酒及85折。 跟1年前紅酒同一牌子，餐前麵包也一樣，蕃茄包，香草包。 計過度過最低套餐998,跟上年餐牌食物選擇一樣，價錢一樣，點2個。 首先例牌，每人先上杯仔粟米忌廉雞湯伴泡芙，每個套餐4隻生蠔，男侍應介绍由淡味開始至濃味，由美國去到法國，介绍名稱，講完都唔知係乜，只記4隻都好鮮，頭2隻海水味濃。 頭盤蟹餅，一樣精緻，野菌濃湯配栗子，只有一粒栗子，又香又腍，湯不太稠也不太濃，即不多忌廉，味道適中。 香煎野生海鱸魚，無大獅子單點煎焗南極海鱸魚那麽滑，及賣相吸引，前者皮脆，後者有湯濕潤。美國和牛西冷，一般貨色，和牛？切開有少少血，熟度剛好，外圍熟的部份，有點鞋。 在每月特色中我揀鹿肉威靈頓，點解：曾經在加拿大食兔肉鞋，一的都唔好食，以後都咪攪，鴨胸無特别，所以揀鹿肉，想起紅樓夢冬天燒鹿肉，寫到好美味。黑色不規則邊平板凹凸石纹碟盛載像切開大月餅，好似在郊野開餐，鹿肉加小少肝臟釀入稣皮，第一口，少少膻，計續食就無，質地像羊肉與牛肉混合，輕調味，蘸內臟汁（英文），一般，特别在紅莓醬，酸酸甜甜開胃，解