影片
更多
2008-06-07
33 瀏覽
記得上年甲乙收爐日第一次黎Mi Casa晚飯，帶點酒意回家，人生一大樂事！今年一心諗住再來一次享受一番，點知天公不造美，加上其他阻滯，氣沖沖的來，都冇好好品嚐美味，可惜可惜。非常為食的兩口子嗌左：1. 生蠔拼盤($388)：貴左差不多一百大元，生蠔由12隻變成10隻，而且冇白酒跟，散嗌白酒要40蚊一杯， 感覺已經冇咁抵。生蠔仍然新鮮，翡翠螺雖是綠葉但都十分大隻鮮味，貴左都覺得 係不得不試o既推介。2. 白酒煮蜆：蜆係當日新鮮返，可能因為係白酒煮，食唔出特別新鮮。白酒汁唔錯，只係洋蔥多左少少。3. 香草焗田螺：田螺好香，好好食！薯蓉亦整得好好味，咸味適中，唔係咁易食到，讚！4. 野菌湯：口感夠rich同creamy，味道可以再濃Ｄ。5. 凱撒沙律：酸酸地幾開胃。6. 鴨肝雜菌扁意粉：雖然有食評話唔好食，但係都好味丫！條條意粉都食到鴨肝香味，鴨肝粒同雜菌粒都 幾多呀，不過的確係幾滯，兩三個人share都夠。7. 心太軟：上次黎食係食麵包布丁，一食驚人！係咁耐以黎食過最好食o既！酒店o個Ｄ真係可以行埋一 邊～今次一試心太軟，未食，一篤已
今年一心諗住再來一次享受一番，點知天公不造美，加上其他阻滯，氣沖沖的來，都冇好好品嚐美味，可惜可惜。
非常為食的兩口子嗌左：
1. 生蠔拼盤($388)：貴左差不多一百大元，生蠔由12隻變成10隻，而且冇白酒跟，散嗌白酒要40蚊一杯，
感覺已經冇咁抵。生蠔仍然新鮮，翡翠螺雖是綠葉但都十分大隻鮮味，貴左都覺得
係不得不試o既推介。
2. 白酒煮蜆：蜆係當日新鮮返，可能因為係白酒煮，食唔出特別新鮮。白酒汁唔錯，只係洋蔥多左少少。
3. 香草焗田螺：田螺好香，好好食！薯蓉亦整得好好味，咸味適中，唔係咁易食到，讚！
4. 野菌湯：口感夠rich同creamy，味道可以再濃Ｄ。
5. 凱撒沙律：酸酸地幾開胃。
6. 鴨肝雜菌扁意粉：雖然有食評話唔好食，但係都好味丫！條條意粉都食到鴨肝香味，鴨肝粒同雜菌粒都
幾多呀，不過的確係幾滯，兩三個人share都夠。
7. 心太軟：上次黎食係食麵包布丁，一食驚人！係咁耐以黎食過最好食o既！酒店o個Ｄ真係可以行埋一
邊～今次一試心太軟，未食，一篤已經驚人！再配Vanilla雪糕食，成個開心晒！朱古力軟心
夠軟夠香，外層完全冇焗燶o既味道，100分！
Mi Casa服務一向週到，由訂位到當晚都非常貼心。唔單止每一dish教晒你食，冷氣凍又會幫你熄(其實佢地話冷氣一定要凍去保持生蠔新鮮)，踏入門口前o既阻滯同不滿都一掃而空～
張貼