影片
更多
2004-08-18
32 瀏覽
每食一個包打一次食評太費時失事，於是一次過打番一年來於美心西餅食過既產品。紅咖哩雞肉包($5)--係近期新產品中最討好既一個，內有有雞肉薯仔，而咖哩香而不辣，食上癮。車打芝士蕃茄包($4.5)--蕃茄包係本人既心頭好，內裏既車打芝士亦算香濃，不過剩得芝士略嫌單調。吞拿魚包($5)--料足一向係美心吞拿魚包既成功之道，咬開見內裏確係塞滿一大堆吞拿魚，係普通麵包店食唔到既。吞拿魚蕃茄包($4.5)--用料份量跟吞拿魚包一樣，不過麵包轉用左蕃茄且便宜五毫子，此君一出己經無再食原版吞拿魚包了。腿蛋包($4.5)--最平庸既一個，情願到樓下士多買新鮮熱辣既好過。XX煙肉南瓜包($4.5)--南瓜包無甚味道，材料又只得中間既一少行，唔抵食。磨菇煙肉蛋包(4.5)--此君深得我心，用料豐富而且配撘得宜，最鐘意係中間一大粒芝士物體，不過好耐無見佢出現，不知是否停產。栗米蛋沙律包(4.5)--麵包大大，材料填滿整個包內，蛋沙律比較啖口，適合做早餐，不過包面十分之油，每次都忍唔住用紙巾抹抹先食。煙肉薯蓉包(4.5)--從來覺得薯蓉只能夠出現於焗田螺內，不過想不到配埋煙肉藏於包內都幾得人歡喜。肉卷($7)-
紅咖哩雞肉包($5)--係近期新產品中最討好既一個，內有有雞肉薯仔，而咖哩香而不辣，食上癮。
車打芝士蕃茄包($4.5)--蕃茄包係本人既心頭好，內裏既車打芝士亦算香濃，不過剩得芝士略嫌單調。
吞拿魚包($5)--料足一向係美心吞拿魚包既成功之道，咬開見內裏確係塞滿一大堆吞拿魚，係普通麵包店食唔到既。
吞拿魚蕃茄包($4.5)--用料份量跟吞拿魚包一樣，不過麵包轉用左蕃茄且便宜五毫子，此君一出己經無再食原版吞拿魚包了。
腿蛋包($4.5)--最平庸既一個，情願到樓下士多買新鮮熱辣既好過。
XX煙肉南瓜包($4.5)--南瓜包無甚味道，材料又只得中間既一少行，唔抵食。
磨菇煙肉蛋包(4.5)--此君深得我心，用料豐富而且配撘得宜，最鐘意係中間一大粒芝士物體，不過好耐無見佢出現，不知是否停產。
栗米蛋沙律包(4.5)--麵包大大，材料填滿整個包內，蛋沙律比較啖口，適合做早餐，不過包面十分之油，每次都忍唔住用紙巾抹抹先食。
煙肉薯蓉包(4.5)--從來覺得薯蓉只能夠出現於焗田螺內，不過想不到配埋煙肉藏於包內都幾得人歡喜。
肉卷($7)--平日甚少花多於$5去食早餐，不過又忽然記起肉卷既啖啖肉，所以番尋味。令次再試覺得肉少了，卷既中央露出一個洞，失望。
張貼