臺樓 (已結業)

我唔會再去間咁既餐廳，由我第一年去到依家，貴左好多，服務態度又差，野食又細份左，去到門口都未行到入去就叫我地叫定野食，睇死你一定會入去咁，咁就比人拉左入去。上菜時間耐，野食又唔係特別好味，咁就收你$38(學生價)，唔係學生仲要$48，野飲另外收費，但係佢本身係$30，兩年升足$8。上錯餐，落錯單經常有，冇咩問題，但係佢地話冇聽錯先慘，我望住張單寫到明係麵，你比碟飯我，比埋你睇啦，你都話冇上錯，仲話冇所謂啦，都食得既，得曬。之後話取消張單，態度即刻唔同曬，又話幫你換過份又話可能睇錯左，想好聲好氣咁講係唔得既。