新麻蒲 BBQ (形點) (已結業)

之前好多人食、排隊排好耐．我都會等入去食。之前肉嘅份量好大份同非常好、最重要係前菜及沙律任食。服務尚算可以.....通常每個月都去一次......但今天再去大不如前、食物分量唔講先．撳鐘叫服務員唔會有人睬你、見到服務員行過即刻叫、敷衍應完你就走．添食前菜、仲慘過叫佢借錢、一去無回頭．係咁等係咁追、都無人理你、服務態度非常非常非常差、唔知係咪公司新規矩．一講埋單就最快過嚟．兩三個人行埋執枱．真係比佢吹脹、以後請都唔會再去幫襯、星期六一家人開開心心食餐飯、食到一肚氣、應該都唔會再改善、大家可自行判斷可以唔去食啦。