影片
更多
2020-02-24
582 瀏覽
牛歡喜、牛開心、牛子、牛鞭等等，你食過未？我就未食過啦，呢間喺元朗嘅老店眾所周知有呢啲冷門嘅食物可以試，掙扎左好耐，終於的起心肝利是啦！環境環境好復古懷舊，係好傳統嘅中式設計，以紅色為主，望上天花板有好多吊風扇，別有一番風味。餐牌以為得普通粉麵食，點知原來有好多款式，丸類都超過10款，鍾意食粉麵嘅嚟到就大把選擇。潮洲全套腩汁十寶 $65 一心嚟試牛歡喜、牛開心，點知今日冇！唯有食其他，呢碗十寶包括：香滑肉膀、黃牛仔肉肺、爽脆沙瓜、鮮甜竹腸、爽滑大腸、金香粉腸、老黃牛草肚、新鮮金錢肚、燒焗牛孖筋及原汁牛腩。牛出名，呢款就可以一碗試到10款唔同嘅牛部位，每款有一至兩件，由於本身我都唔算太食牛內臟，淨係識分牛腩、金錢肚、牛孖筋同埋大腸，食落去味道都正常，牛味唔算特別突出，但勝在唔會好韌，如果鍾意食牛內臟的話，呢碗啱晒你。至於湯底，牛味都幾突出，不油膩，食完冇口乾。潮洲八寶 $58 手打魚蛋、手打牛丸、泰式扎肉片、潮式酵肉片、黑椒牛筋丸、普寧豬肉丸、潮洲墨魚丸、家鄉豬肉冬菇丸及野生紫茶。由於另一半想試牛丸，呢碗就一次過試到好多款不同的丸類。湯底又同「潮洲全套腩汁十寶」唔同，因為冇腩汁，清得來又
牛歡喜、牛開心、牛子、牛鞭等等，你食過未？我就未食過啦，呢間喺元朗嘅老店眾所周知有呢啲冷門嘅食物可以試，掙扎左好耐，終於的起心肝利是啦！
環境
環境好復古懷舊，係好傳統嘅中式設計，以紅色為主，望上天花板有好多吊風扇，別有一番風味。餐牌
以為得普通粉麵食，點知原來有好多款式，丸類都超過10款，鍾意食粉麵嘅嚟到就大把選擇。
潮洲全套腩汁十寶 $65
一心嚟試牛歡喜、牛開心，點知今日冇！唯有食其他，呢碗十寶包括：香滑肉膀、黃牛仔肉肺、爽脆沙瓜、鮮甜竹腸、爽滑大腸、金香粉腸、老黃牛草肚、新鮮金錢肚、燒焗牛孖筋及原汁牛腩。牛出名，呢款就可以一碗試到10款唔同嘅牛部位，每款有一至兩件，由於本身我都唔算太食牛內臟，淨係識分牛腩、金錢肚、牛孖筋同埋大腸，食落去味道都正常，牛味唔算特別突出，但勝在唔會好韌，如果鍾意食牛內臟的話，呢碗啱晒你。至於湯底，牛味都幾突出，不油膩，食完冇口乾。
潮洲八寶 $58
潮洲八寶
$58
28 瀏覽
0 讚好
0 留言
手打魚蛋、手打牛丸、泰式扎肉片、潮式酵肉片、黑椒牛筋丸、普寧豬肉丸、潮洲墨魚丸、家鄉豬肉冬菇丸及野生紫茶。由於另一半想試牛丸，呢碗就一次過試到好多款不同的丸類。湯底又同「潮洲全套腩汁十寶」唔同，因為冇腩汁，清得來又不乏味道，唔會太鹹，再加上有紫菜，湯底變得香啲，全部丸類都幾彈牙，尤其是牛筋丸、扎肉片都幾好味。
椒絲腐乳通菜 $22
另外叫咗碟通菜，呢度處理通菜用上好多唔同材料，例如芝麻油、花生油、花生醬、薑紅蔥頭等等，上枱都見到比較油，腐乳就用上水口腐乳，我覺得成碟嘅味道比較奇怪，我唔係好食得慣。
總括而言，我同另一半都覺得比預期中好，價錢都算係公道，因為一次過可以食到好多唔同嘅款式，雖然一心係嚟試牛歡喜、牛開心呢啲比較冷門嘅食物，但今日冇得食都冇辦法，可能係個天都唔俾我試啦
張貼
