緣聚

營業中

休息中

今日入到黎元朗就一定係搵好嘢食啦、除咗要好食之外質素亦都要好高！今次呢間除咗係高質食物任食之外！仲可以生蠔伴美酒！非常之新鮮！生蠔亦都係呢間最出色之一既美食！ 真係想講呢間野真係包羅萬有，刺身嘅種類選擇非常，周年拖羅，池魚、希靈魚、吞拿魚、帶子、同埋松葉蟹腳都係任食唔嬲！仲有就係我最鍾意食嘅海膽呢度竟然都係任食！刺身嚟講佢嘅甜蝦都係非常新鮮！海膽質素拍得住加拿大海膽！鮮甜！跟住講吓佢嘅燒物，燒菠蘿，加咗焦糖片食落去都香甜！令我最欣賞就係佢嘅夾甲羅燒，再配上鱈魚乾一齊食味道層次更加豐富！加上呢個芝士燒大蝦、蒜蓉蒸扇貝仲有燒羊架，仲有就係燒鰻魚都係好出色嘅燒烤小食！菠蘿鵝肝味道OK，但係唔建議點太多因為會好滯，佢嘅沙律海鮮都好好食好多種類！壽司嘅質素都OK飯唔會好硬、炸蝦多士都好出色！最後仲有燒嘅生蠔入面加咗蒜蓉呢個鍾意食辣嘅一定好鍾意食！生蠔total一台可以嗌12隻，絕對食回本！最後當然唔少得就係佢嘅甜品啦！我嗌咗木糠布甸，仲有銅鑼燒、呢度嘅甜品王牌主打係呢兩樣！下次有機會食一定要食佢嘅水玄信餅、真係唔多地方有！呢度嘅清酒梅酒同埋飲品都係任飲！種類嘅選擇都OK多當然仲有啤酒都係飲任飲啦