影片
更多
2019-12-22
541 瀏覽
一握入魂鮨生賢，又出𨋢見到門口已經好有日本職人嘅氣場，格調夠哂高雅，同時亦感受到其服務質素之高，由加茶時機禮貌嘅談吐再到每道食物嘅來歷同特質嘅講解，就有如置身日本一樣一就坐師傳就即切即上自家醃製嘅柚子蘿蔔同春薑，作開胃同進食間場清味蕾之用，全餐壽司十五貫再加出汁同甜品，壽司分三set上枱第一set由粒貝開始，俗稱海螺，口感清新爽脆；緊接真鯛肉質嫩滑，油脂感同鮮甜魚香並重；平政魚就油脂感再重啲，感覺好似食緊拖羅咁好肥美；最後一件左口魚直情響上面再放多一件經火炙過嘅半熟魚肉，既食到生生嘅鮮味同時又食到經火燒迫出嘅油香味嚟到第二set依然以白身魚為主，鱸魚彈性夠高；手釣池魚肉質超嫩滑，深海池魚就魚味同肉感都較重；赤貝係當日新鮮即劏而非隔夜所以肉身都好濕潤；牡丹蝦則響一眾白身魚形成與別不同之感；最後小肌則以師傳自家傳統配方醃製，其醋香加上魚鮮味貫穿整件壽司，同時保持滑溜，非常不得了嚟到最後一set開始出現赤身魚，先嚟筋子，比坊間嘅冇咁鹹，同時加咗唔少黃柚子皮碎落去，令成件筋子變得好清甜，擺脫咗重口味嘅一貫印象；而浪人池魚則係比前一盤果兩件再高一個檔次嘅品種，同時有著手釣池魚嘅口感亦有深海池魚嘅
一就坐師傳就即切即上自家醃製嘅柚子蘿蔔同春薑，作開胃同進食間場清味蕾之用，全餐壽司十五貫再加出汁同甜品，壽司分三set上枱
第一set由粒貝開始，俗稱海螺，口感清新爽脆；緊接真鯛肉質嫩滑，油脂感同鮮甜魚香並重；平政魚就油脂感再重啲，感覺好似食緊拖羅咁好肥美；最後一件左口魚直情響上面再放多一件經火炙過嘅半熟魚肉，既食到生生嘅鮮味同時又食到經火燒迫出嘅油香味
嚟到第二set依然以白身魚為主，鱸魚彈性夠高；手釣池魚肉質超嫩滑，深海池魚就魚味同肉感都較重；赤貝係當日新鮮即劏而非隔夜所以肉身都好濕潤；牡丹蝦則響一眾白身魚形成與別不同之感；最後小肌則以師傳自家傳統配方醃製，其醋香加上魚鮮味貫穿整件壽司，同時保持滑溜，非常不得了
嚟到最後一set開始出現赤身魚，先嚟筋子，比坊間嘅冇咁鹹，同時加咗唔少黃柚子皮碎落去，令成件筋子變得好清甜，擺脫咗重口味嘅一貫印象；而浪人池魚則係比前一盤果兩件再高一個檔次嘅品種，同時有著手釣池魚嘅口感亦有深海池魚嘅鮮香；跟住到港人至愛嘅大拖羅，由入口之際其油脂已𣊬間溶落壽司飯裏面，簡直係油脂大爆發
可能你會覺得點解食埋拖羅到最後先食返赤身，其實作並非普通赤身，而係經過江戶前醬油漬做法處理過，除咗醬油漬嘅香味之外仲多咗陣風乾嘅香氣，再加上作地嘅吞拿魚都係熟成過其魚香更加濃郁，係食過最出色嘅一貫壽司
到最後以杯上嘅北海道馬糞海膽壽司，食起嚟個質感同鮮度就好似去咗日本魚市場即開即食果種感覺，唔再係鼻涕而係真係有質感果種
到最後飲埋個連埋頭先牡丹蝦個蝦頭一齊嘅蜆湯，仲有自家製嘅紅豆mochi同紅豆綠茶奶凍，mochi會皮整得比坊間更為煙韌，而奶凍則超重綠茶香
成晚一路食一路聽店員嘅講解，除咗食咗餐盛宴之外仲好似上咗一堂日本魚雞精班咁；而成餐入面最鐘意係小肌同醬油漬刺身，呢兩款其實都係唔只食魚嘅鮮味，仲食埋師傳嘅醃漬功力，其實佢地唔只揸切嘢咁簡單，背後仲有好多好多功架嘢累積先成就出嚟，絕對值得用心體驗嘅一餐
張貼
