影片
更多
2007-12-11
21 瀏覽
訓醒已經日上三竿，咩都未食左搞右搞下出得門口去到西貢都已經夜晚六點﹗餓到無朋友，周圍搵睇下有咩食，決定開開心心食個西餐，很多選擇呢﹗不過最重要是有位，所以揀左呢度﹗好好地找左個室內位坐，諗住唔洗吸二手煙啦，點知出面0的人食煙都係吹哂入黎，吹脹點了兩個set dinner揀左唔同野，頭盤係三文魚及凱撒沙律，兩樣都新鮮好味。主菜要左六成西冷牛扒及意大利飯，西冷雖然只叫六成不過好似熟得濟，唔係好咬得入，亦都好細塊，配菜多過舊扒兩倍﹔反而意大利飯好香，粒粒分明，芝士充斥口腔，好好味呢﹗唔知點整既呢？甜品係紅酒雪梨同埋朱古力蛋糕，紅酒梨超勁玉桂味，亦都甜到入心入肺，對我黎講真係頂唔順，反而無咩期望既朱古力蛋糕好味道，實身有口感，好有牛油香呢﹗食得好開心﹗西方人老板娘好緊張員工表現，係咁0係我地兩個後面話0的員工做野快0的﹗搞到無咩食飯氣氛，見佢仲嚴厲過我地盤個死鬼殺人判頭，好可怕﹗其實都幾好服務啦，唔好咁嚴啦﹗
餓到無朋友，周圍搵睇下有咩食，決定開開心心食個西餐，很多選擇呢﹗不過最重要是有位，所以揀左呢度﹗
好好地找左個室內位坐，諗住唔洗吸二手煙啦，點知出面0的人食煙都係吹哂入黎，吹脹
點了兩個set dinner揀左唔同野，頭盤係三文魚及凱撒沙律，兩樣都新鮮好味。
主菜要左六成西冷牛扒及意大利飯，西冷雖然只叫六成不過好似熟得濟，唔係好咬得入，亦都好細塊，配菜多過舊扒兩倍﹔反而意大利飯好香，粒粒分明，芝士充斥口腔，好好味呢﹗唔知點整既呢？
甜品係紅酒雪梨同埋朱古力蛋糕，紅酒梨超勁玉桂味，亦都甜到入心入肺，對我黎講真係頂唔順，反而無咩期望既朱古力蛋糕好味道，實身有口感，好有牛油香呢﹗食得好開心﹗
西方人老板娘好緊張員工表現，係咁0係我地兩個後面話0的員工做野快0的﹗搞到無咩食飯氣氛，見佢仲嚴厲過我地盤個死鬼殺人判頭，好可怕﹗
其實都幾好服務啦，唔好咁嚴啦﹗
張貼
