燒蝦蝦 (金福閣） (已結業)

.就係為左任食新鮮游水大頭蝦而黎呢間餐廳，原來捉佢地都有d技巧架，係缸內太生猛係咁跳，捉完冰震震暈佢，再燒。真係好玩又好食，d蝦膏多到爆出黎，蝦肉又彈牙.而自助區既海鮮食材新鮮款式多不在話下，最緊要係配合一個好既一日大廚限定，用好多款醬料、調味粉及配菜，俾你自創海鮮菜式.泰式燒魚：餐廳好豪爽有原條魚俾我地拎黎燒 - 𩶘魚、深水泥、大眼雞，燒完剝開外皮，魚肉白滑，仲可以沾一沾泰式酸辣醬蒜蓉燒元貝：元貝已經清潔乾淨，元貝肉大大粒，用蒜蓉醬燒好惹味豉汁炒蟶子：鍾意重口味，可以落豉椒醬係錫紙兜炒蟶子，蟶子仔細細隻好易熟肉又新甜又嫩磯燒鮑魚：仲郁既鮑魚，店員溫馨提示要先剪掉殼先燒，唔係會爆到我地.丸類、肉類（羊扒）、蔬菜：認真的，餐廳有好多食材，但我地顧住燒海鮮，都冇乜燒其他食材，女士個胃空間有限.熱食區有炸物同埋鹽燒大頭蝦，後者推介俾自問捉蝦身手唔叻，而又想善用個烤爐燒其他食材既人.任拎啤酒、茶類、汽水，仲有甜品如朱古力撻、慕絲 同埋雪糕雪條，玩足2個半鐘，抵。