貴族蛋糕

營業中

休息中

早前去花墟買花，行過發現一間蛋糕店，傳統街坊式，對我來說有些古着味道，起初被門口的菠蘿蛋糕仔及曲奇餅吸引，睇真啲發現有個蛋糕好特別，似個巨型壽桃包，旁邊被水果圍著，一眼就看中你，下星期嗰個生日就攞你嚟送禮。壽桃蛋糕其實是水果忌廉蛋糕，要成＄250磅，一個係兩磅，不過哥哥生日冇辦法唔破費，蛋糕咁大個，個樣又特別，哥哥及屋企人個個都好開心。蛋糕真係好食，口感非常新鮮，忌廉唔重唔膩，蛋糕似有好多空氣在裏面咁軟熟，佢包埋蠟燭及刀。現在買蛋糕仲有曲奇餅送，睇我排得幾靚。我還買咗朱古力，共有11款味道，雜錦每樣一粒試吓，我最鍾意圓形嘅酒心朱古力及香檳朱古力，酒精好少，食品落甜甜地只有酒香。結論係呢間蛋糕真係好食，佢仲有好多款式，麻雀型、花形、公仔等等，有人生日嗰陣諗得過。