影片
更多
2019-09-13
653 瀏覽
星期三(11/9)落舖預訂一客壽司拼盤(44件)，俾哂錢，千叮萬囑哥哥仔(中等身材)記得寫「星期五 (13/9) 12:45pm自取」。星期五(13/9)，今日，12:40pm 落舖。前台得一名姨姨，告知自取壽司拼盤，姨姨叫我稍等，話師傅啱啱行開咗。12:50pm ，一名身形肥胖嘅男子，從外拎住個吉盤入店，施施然戴手套，準備包壽司。見唔對路我開聲問「(無奈) 請問我唔係落單時話12:45pm 自取咩？」肥胖男子「(毫無歉意) 唔記得咗」我「(真心驚訝) 下，我老細等緊我返去開大食會喎...」肥胖男子「(輕蔑嘅語氣) 咁你要唔要呀？」我「(衝擊三觀嘅心情) 我俾咗錢架喎...」肥胖男子「(不屑嘅態度) 退返俾你囉」我唔知個位肥胖男子係咪太子爺唔憂做，依種明明自己有錯在先仍無歉意仲要串過你嘅待客之道，真心令我大開眼界。過往公司搞活動我地都有係到訂壽司，老闆都好熱情同helpful，而每次都好準時交貨。或者今次我地得一盤壽司太細雞人地唔稀罕做我地生意囉。Lunch hour 一個鐘，臨時臨急少一盤壽司，唔通叫我啲同事食唔飽等放工咩？我無骨氣，我照等佢包，但我發誓，永！遠！唔！再！幫！襯！
星期五(13/9)，今日，12:40pm 落舖。前台得一名姨姨，告知自取壽司拼盤，姨姨叫我稍等，話師傅啱啱行開咗。12:50pm ，一名身形肥胖嘅男子，從外拎住個吉盤入店，施施然戴手套，準備包壽司。
見唔對路我開聲問
「(無奈) 請問我唔係落單時話12:45pm 自取咩？」
肥胖男子
「(毫無歉意) 唔記得咗」
我
「(真心驚訝) 下，我老細等緊我返去開大食會喎...」
肥胖男子
「(輕蔑嘅語氣) 咁你要唔要呀？」
我
「(衝擊三觀嘅心情) 我俾咗錢架喎...」
肥胖男子
「(不屑嘅態度) 退返俾你囉」
我唔知個位肥胖男子係咪太子爺唔憂做，依種明明自己有錯在先仍無歉意仲要串過你嘅待客之道，真心令我大開眼界。
過往公司搞活動我地都有係到訂壽司，老闆都好熱情同helpful，而每次都好準時交貨。或者今次我地得一盤壽司太細雞人地唔稀罕做我地生意囉。
Lunch hour 一個鐘，臨時臨急少一盤壽司，唔通叫我啲同事食唔飽等放工咩？我無骨氣，我照等佢包，但我發誓，永！遠！唔！再！幫！襯！
張貼