彩虹煮意 (已結業)

呢間彩虹煮意自從我喺自己社交平台 舖咗有幾好食，好多朋友都邀約一齊來試食，我當然樂意奉陪，甚至無人約自己也會來獨食享受美食，人生一大樂事！6/2年廿六因為要來支持義賣活動來取蘿蔔糕，所以說好來試新餐單嘅「帶子燴飯配松葉蟹膏汁」，最喜歡呢度嘅燴飯，加上蟹膏汁，正！美食真係要慢慢享受，每一啖也是享受，仲要獨食呢！7/2年廿七今日同朋友前來Rainbow Cuisine 彩虹煮意食午餐，一路食朋友都贊嘆不已，不停話好好食、真係好好食。今次再食「大蝦青蘋果飛魚子沙律」，另外試「香煎挪威鱈魚蟹肉燴飯」，兩款都咁美味， 連餐湯南瓜湯都好好飲，果然係五星級酒店嘅水準、平民化價錢。9/2 年廿九今日帶靚媽來食好西，我哋揀咗「煙牛脷尼哥斯沙律 」，呢樹嘅沙律不嬲高質，配上牛脷好夾，正！「海鮮扁意粉辣蕃茄汁」辣辣地，好惹味，甚至連磨菇湯，靚媽都話好好飲！另說今日有朋友傳來訊息及相片，告知我今天也來試食，佢都話果然好食！