玉蕾 (已結業)

12月25號係聖誕節，亦係一個特別既紀念日子，咁當然要找一個舒服環境好既餐廳食番餐好，咁依間中餐廳出名環境靚又望到海景，故此就訂位於依個特別日子享受一個美好既午餐.準時十二點去到餐廳，內邊大廳一個人顧客都末有，非常清靜，加上勁開陽既海景，真係有心曠神怡既感覺.首先叫左個頭盤食依先，清清地叫左素菜卷，卷內有芽菜，紅蘿蔔，蘿蔔切成絲，食落感覺清新，不失為一個令人開胃既頭盤。點心方面就叫左蝦餃，和牛牛肉，飽魚雞粒酥和黑松露咸水角。蝦餃都算大隻，內有爽脆既大蝦，蝦餃皮夠薄夠通透，真係好好食。和牛牛肉賣相則較普通，但聞落同食落就覺得牛味香濃，墊底的菜更加吸收曬牛肉的肉汁，更加不可錯過。飽魚雞粒酥上面放置一隻細少飽魚，酥皮有牛油既香味，酥內有雞肉粒，洋蔥等餡料，其實食落感覺會較肥膩，個人就不太喜歡。最後既點心係黑松露咸水角，咸水角炸得金黃香脆，但食落就食唔到有任何黑松露既味道，較為失望。最後點了杏汁包作為甜點，依個包一定要襯熱食，包皮焗得脆脆，咬落去杏汁流出，杏汁既香味好正，一定要食既推薦。