現 (已結業)

忍不住上一間餐廳嘅嘈吵，於是走過嚟快飲杯咖啡。經過好多次，不過成日都被其他餐廳吸引，今次終於叫杯咖啡坐低。環境用木色為主帶溫暖感，設室內同戶外位，室內就唔算有太多位，同埋感覺上有少少迫。戶外就有兩張二人檯，仲有少少花草做裝飾。Flat White $36杯子有懷舊感，影出嚟都好靚，入口奶好滑，咖啡不酸不苦，但同時都唔算好出色。Dirty $34相比之下，Dirty就甘味多少少，如果層次再分明多少少就好啦。最後，有朋友後join係打算外賣咖啡，店員可能擔心我哋會一齊坐而「溫馨」提醒，不過朋友轉述店員係一聲「喂」咁叫佢，都幾無禮貌下，令到成個感覺唔好，希望佢哋細心少少，始終都係第一次幫襯。同事叫咗杯espresso orange soda，飲落似espresso+fanda，希望可以再「橙」啲。