嚐樂

營業中

休息中

黑糖奶茶皇（$30）九龍城多糖水舖大家都知，司令都成日落尼食糖水架。今次介紹下嚐樂啦，佢位置就比較偏，加上舖位比較細，適合三四個人尼食，人多可能要坐出舖頭啦。店面細，個老闆係裝修上放左好多心思，抬頭望上去會有好多動漫擺設同明信片，成個氣氛好舒服。司令多數都係叫佢一杯杯既甜品，貪佢細細杯又靚。今次食既係黑糖奶茶皇，底係奶茶啫喱，上面有餅碎同埋雪糕，再加左少少黑糖提味。啫喱只係得淡淡既茶味，有少少似旺旺奶茶凍既味，各樣野配埋一齊都幾好食既，不過無奈下面係啫喱，筆雪糕食既時候好唔受力，最後會食到所有野都mix埋一齊，餅碎又濕曬咁，不過都唔影響味道既，下次試試其他甜品先。