影片
更多
2010-03-31
28 瀏覽
啱啱行完K-11同i-Square兩個新場，零收獲(真係唔好行)，走去亞士厘道呢條食街，嘩！咁冷清嘅！間間唔洗等位；對食客係一件好事；對食肆係一件白事...揀呢間野係因為試過兩次都要排等位而掉頭走(今日又唔係星期五六)...入到去睇咗陣餐牌就點咗下面幾款野。真澄Blue：細細支藍色樽身睇落好靚，易入口且清甜非常，唔覺唔覺飲咗2支，好彩只係$58支好抵！蕃茄沙律：店長話師傅用香傳統做法，以油醋汁代替之前的芝麻醬，都算唔錯！針魚刺身：之前喺其他地方食都係又細又瘦，今次呢條大條多肉；鮮甜唔腥兼肉質彈牙。砌功精美，等耐d都值得嘅。鰻魚玉子燒：好彩我哋都係大胃一族，玉子件件份量十足，煎得厚實但富有彈性，而且玉子裏面亦食得出香濃嘅鰹魚汁味。清酒煮蜆： 好夠酒味吓；蜆無沙，不過大路野如果失手就抵打啦！啱啱睇番佢d舊食評，又無講到咁差，不過價錢平d就更好！
揀呢間野係因為試過兩次都要排等位而掉頭走(今日又唔係星期五六)...入到去睇咗陣餐牌就點咗下面幾款野。
真澄Blue：細細支藍色樽身睇落好靚，易入口且清甜非常，唔覺唔覺飲咗2支，好彩只係$58支好抵！
蕃茄沙律：店長話師傅用香傳統做法，以油醋汁代替之前的芝麻醬，都算唔錯！
針魚刺身：之前喺其他地方食都係又細又瘦，今次呢條大條多肉；鮮甜唔腥兼肉質彈牙。砌功精美，等耐d都值得嘅。
鰻魚玉子燒：好彩我哋都係大胃一族，玉子件件份量十足，煎得厚實但富有彈性，而且玉子裏面亦食得出香濃嘅鰹魚汁味。
清酒煮蜆： 好夠酒味吓；蜆無沙，不過大路野如果失手就抵打啦！
啱啱睇番佢d舊食評，又無講到咁差，不過價錢平d就更好！
張貼
