一樂日本料理 (已結業)

今日約左個大食朋友食飯，佢平時最怕叫多多野，但係我只係食到少少，佢話食日本放題就最適合不過喎。一直有好多朋友都極力介紹呢間放題餐廳，性價比高，質素好而且價錢合理，就立刻煩都唔洗煩揀左去呢度。餐廳已經坐了不少食客，裝修光猛，最重要坐位十分寛敞舒適，每張枱都分隔開，好有私隱 傾計都好方便。加$48就有任食即開生蠔。極力推薦當然係刺身啦。刺身質素極高，見到師傅真係現場即叫即切，每片刺身都有一定厚度而且大大件，甜蝦 帶子等等 全部都好鮮甜。喜歡刺身嘅朋友黎到真係可以淨食刺身都已經回本。一品料理選擇亦不少，串燒炸物鐵板都做得不俗。菜膽雞燉翅記得食 真是有一排魚翅 湯底唔太咸 幾好飲。黃金軟殻蟹 幾特別 濃濃蛋黃味 熱辣辣炸起。燒羊架好juicy 肉質幾軟熟。仲有即炒意粉 即製pancake 炸物熱盤 任食任拎。飲品有十幾款 啤酒汽水茶類 包羅萬有。甜品、蛋糕都好多選擇 基本上 大胃王都試唔曬咁多野 哈哈。上菜速度快而且沒有漏單，每款食品都可以以件數order,唔怕太多會浪費 用wechat落單 環境又方便。呢間絶對係去個最值得推薦嘅日式放題。