一樂日本料理 (已結業)

約左幾個好耐無見既朋友係一樂聚舊，ㄧ來交通方便，尖沙咀港鐵站A2出口，行幾分鐘就到。二來地方夠大，坐得舒適，食物款式又多。餐廳無限提供新鮮空運刺身，輕食前菜，創作壽司，火炙壽司，即叫即掣手卷，吉到揚物，天婦羅，海之盛宴等，仲有多款精美甜品，沙律，小食，雪糕同汽水。聽講一樂嘅炸物吾錯，啱哂我哋呢d鍾意食香口嘢嘅人小食用火暖住，保持熱辣辣。海鹽枝豆營養豐富，脹卜卜，好稔好味。鹽花燒海蝦串，海蝦外面燒到金黃色，但蝦肉吾乾身、爽口。幾款炸物好香脆，炸粉吾太厚，保持食物嘅原本味道。想食又綿又鮮甜嘅海鮮粥，係呢度可以嘆到啦！綿滑嘅粥底加上鮮甜嘅蟹肉，爽口彈牙嘅鮮蝦，肥美嘅蜆，同鮮菇等豐富材料。令鍋粥嘅味道更加突出。值得一試。鹽花燒鯖花魚，燒到色澤金黃，將d魚油逼出，特別甘香, 味道甘咸加埋檸檬汁就更加好味。壽司同手卷嘅醋飯細細舊無咁易飽，可以試多d其他美食。質感吾錯。火炙蒲燒鰻魚壽司(左邊)，鰻魚肥美入口嫩滑，加埋甜甜嘅醬汁更加好味。拖羅三文魚蓉鴛鴦手卷(右邊)，鴛鴦係吞拿魚加三文魚，紫菜香脆，配搭够特別。估吾到連紅豆沙都有喎，碗紅豆沙吾會好甜，但起晒沙。自助雪糕汽水，好似超市咁多款式，同樣任飲任