德美壽司 (新都城中心1期) (已結業)

上星期過來過來將軍澳寶琳搵朋友食飯，佢話食過依間餐廳都ok，而我之前係紅磡個邊都食過，所以都有興趣試下，於是就同朋友過去試下佢先。有單點menu又有set menu，見到有一個set 都幾岩食，咁就叫左個德美海膽魚生丼餐。之後就散叫左其他野食，都叫得幾多野食，因為好肚餓。德美刺身丼都好足料，個set 有沙律同面豉湯。刺身好多片魚生，有三件三文魚，兩片油甘魚、一隻帶子，大蝦，蟹柳，三文魚籽同蟹籽，同埋海膽。海膽同三文魚鮮甜，依個價黎講絕對超值。散叫左壽司，有三文魚腩壽司，洋風三文魚壽司，同埋蔥拖羅茸卷。洋風三文魚壽司其實炙燒三文魚，燒過更顯得三文魚肥美。三文魚腩壽司一樣鮮甜。食完生野都要食D 熟食，叫左個溫泉蛋天婦羅，不過可惜蛋生左小小。之後點左兩串串燒，一串係地雞大蔥串，我朋友食既，我就食燒雞翼，燒雞翼好味道。加埋一之後埋單一人230元，食到飽飽的，質素一樣出色。