Applegreen (已結業)

同個朋友去食飯，我電話本來想book 8點，但佢同我講要8點半先交到table比我都唔緊要啦，咁未8點半囉。但我8點半去到，佢同我講9點半last order，10點就要走。我問佢點解，佢話人手唔夠wo…其實有dd 唔明架，但算啦。一入到去，就散叫，叫左以下食物：炸珍寶蘑菇呢樣係朋友既提議，佢話食過好好食。黎到真係好好食。成個味道，同個醬好夾。但兩個人食，每人要食3～4舊，有d太膩。如果多dd人去，叫呢個，真係perfect！皇后pizza因為想試下晚上食少d肉，所以在pizza menu上點左個無肉既，就係呢個皇后啦。其實個味道係好食既，d basil真係特別香，但呢個pizza，真係太油啦油到食完之後，覺得好油膩，真係油到食唔到果一隻。所以大家考慮下。明太子意粉果然係好好食，成個意粉都係明太子撈埋一齊，味道十分之好，係全餐最好食既一樣野！！必食！食食下，好快就過黎收我錢，講last order之後就暗示我地要走，睇睇錶，果陣先10點。10點就要走，其實有d太早。但可能佢地都要收工，清洗，所以我地快快手，食完就走lu～總括：係好食既，但有d油膩。