祥興記上海生煎包 (已結業)

話說因為要去寶血醫院探朋友，諗住臨上去前就醫醫肚。行下行下先知原來附近開左間祥興記，以前係荃灣同元朗成日都幫襯，結果執哂都冇食過，現在重遇舊相好，梗係講多無謂，食左最實際！招牌生煎包因為係新一批，等左10分鐘，終於食得。目測Size適中，包底煎得香脆，夾起來很堅挺，餡子都很足。需知生煎包肉餡較多，皮要夠有適當厚度先可以保存肉餡同湯汁，但一不留神，皮太厚，粉味又會重，質感都會膠，所以係好考功夫。呢個一食落去果然同以前一樣，皮脆多汁，多汁到流到周圍都是。然而肉餡唔會糊，調味香口，令出來的湯汁味道濃郁，食哂四件已經大滿足。老實，我有一刻羨慕醫院的朋友可以咁近就食到好西