影片
更多
2021-08-05
16 瀏覽
一入店面左手邊就有凍櫃,入面已經有不同既食材,七彩繽紛,秀色可餐!店家非常貼心提供已配搭好款式既魚生飯,亦都有自選既供客人自行配搭。我選擇咗煙燻油辣味雙拼$86,有三文魚及吞拿魚作為魚生, 白飯+糙米飯作主食, 蔬菜方面有泡菜﹑青瓜﹑蒟蒻配韓式辣醬。選擇完魚生飯後,可以加$35要一杯冷壓果汁,飯既份量都唔少,比較細食既女士可以同人分享。三文魚及吞拿魚都好新鮮,加埋醬汁,辣辣地,好正, 白飯+糙米飯兩者配合唔錯,唔會咁單一。菜同肉既分配都好平均,是一個健康選擇。我要咗一杯紅菜頭﹑羽衣甘藍﹑藍莓及檸檬。佢顏色好似利賓納,紫色,但飲落去唔會有好甜味道,反而會有好濃既生果味,又唔會太酸,中意飲果汁既朋友仔可以試試！另一個飯就選擇咗煙燻油辣味雙拼夏威夷四重奏$110,有辣味三文魚﹑經典吞拿魚﹑泰式熟蝦+牛油果, 沾烏冬作主食, 蔬菜方面有蕃茄﹑青瓜﹑甜椒配自家制醬油。值得一提, 沾烏冬冇湯,但完全冇影響佢既口感,唔會爛到一pat,咬落都係有咬口。辣味三文魚﹑經典吞拿魚﹑泰式熟蝦三樣野放埋一齊都冇溝亂味道,值得讚賞。店舖仲有提供水冇客人自行飲用,十分貼心！
一入店面左手邊就有凍櫃,入面已經有不同既食材,七彩繽紛,秀色可餐!
店家非常貼心提供已配搭好款式既魚生飯,亦都有自選既供客人自行配搭。
我選擇咗煙燻油辣味雙拼$86,有三文魚及吞拿魚作為魚生, 白飯+糙米飯作主食, 蔬菜方面有泡菜﹑青瓜﹑蒟蒻配韓式辣醬。選擇完魚生飯後,可以加$35要一杯冷壓果汁,飯既份量都唔少,比較細食既女士可以同人分享。三文魚及吞拿魚都好新鮮,加埋醬汁,辣辣地,好正, 白飯+糙米飯兩者配合唔錯,唔會咁單一。菜同肉既分配都好平均,是一個健康選擇。
我要咗一杯紅菜頭﹑羽衣甘藍﹑藍莓及檸檬。佢顏色好似利賓納,紫色,但飲落去唔會有好甜味道,反而會有好濃既生果味,又唔會太酸,中意飲果汁既朋友仔可以試試！
另一個飯就選擇咗煙燻油辣味雙拼夏威夷四重奏$110,有辣味三文魚﹑經典吞拿魚﹑泰式熟蝦+牛油果, 沾烏冬作主食, 蔬菜方面有蕃茄﹑青瓜﹑甜椒配自家制醬油。值得一提, 沾烏冬冇湯,但完全冇影響佢既口感,唔會爛到一pat,咬落都係有咬口。辣味三文魚﹑經典吞拿魚﹑泰式熟蝦三樣野放埋一齊都冇溝亂味道,值得讚賞。
店舖仲有提供水冇客人自行飲用,十分貼心！
張貼
