士多冰室

營業中

休息中

食物質素差，等得耐，落錯單。講明先，員工係冇問題嘅，有禮貌，係個類似老闆嘅女人好大問題！第一，兩個人坐低，但俾一杯水？有趣！第二，食咗部分食物後，仲有嘢未到等咗好耐，就同佢講我話等咗好耐，睇佢係咪落漏單，但佢居然覆我：‘’煮緊架喇，唔想俾啲生雞翼你食。‘’喂，咁就梗架啦，但講真，嘩，你做茶餐廳一定係逐隻雞翼煎啦！25分鐘喇等咗！第三，至於個羅宋湯烏冬，個湯底係一啲都唔熱，叫佢換，佢拎轉身（我哋坐廚房出菜位旁）大聲問廚房：‘喂，你個湯唔熱嘅？’5秒後拎返出嚟叫我試下得唔得，結果係一樣！哦，原來俾戲。以為佢換個新嘅俾你？好難喇。