影片
更多
2020-11-11
53 瀏覽
點解會選擇呢間餐廳，係因為聽朋友講呢度可以同一時間食雞煲同埋燒肉，啱晒大胃王嘅我，一次可以滿足晒兩個願望。間餐廳個場都幾大，雖然我哋兩個人食飯但係店員安排左六個座位俾我哋，坐得好舒服，而且枱同枱之間都有適當嘅空間。坐低店員就問我地有雞煲要幾辣，因為朋友唔係好食得辣嘅關係，所以選擇咗小辣。唔使3分鐘店員已經遞上雞煲，會好細心咁樣幫我地炒下個鍋，以防燶底。其實佢呢度嘅小辣真係唔算太辣，夠麻但係又唔會太咸，正合我口味。呢度係自助嘅形式，連牛肉都係要自己出去攞。選擇多到有啲嚇親我，除咗火鍋自助配料之外，仲有各式各樣不同嘅燒肉配料，佢有驚喜嘅係佢仲有前菜，連韓式泡菜都有。另外仲有一窩窩嘅數款小食，豬皮魚蛋、雞腳等等，真係想唔飽都幾難。而且呢度嘅甜品同埋飲品都比其他自助火鍋多，今次食飯試咗四五款不同嘅飲品，仲食咗兩三種不同口味嘅雪糕，好滿足呀！整體而言，呢度嘅性價比真係超高，好適合一大班人過嚟食飯！
點解會選擇呢間餐廳，係因為聽朋友講呢度可以同一時間食雞煲同埋燒肉，啱晒大胃王嘅我，一次可以滿足晒兩個願望。
間餐廳個場都幾大，雖然我哋兩個人食飯但係店員安排左六個座位俾我哋，坐得好舒服，而且枱同枱之間都有適當嘅空間。
坐低店員就問我地有雞煲要幾辣，因為朋友唔係好食得辣嘅關係，所以選擇咗小辣。唔使3分鐘店員已經遞上雞煲，會好細心咁樣幫我地炒下個鍋，以防燶底。
其實佢呢度嘅小辣真係唔算太辣，夠麻但係又唔會太咸，正合我口味。
呢度係自助嘅形式，連牛肉都係要自己出去攞。選擇多到有啲嚇親我，除咗火鍋自助配料之外，仲有各式各樣不同嘅燒肉配料，佢有驚喜嘅係佢仲有前菜，連韓式泡菜都有。另外仲有一窩窩嘅數款小食，豬皮魚蛋、雞腳等等，真係想唔飽都幾難。
而且呢度嘅甜品同埋飲品都比其他自助火鍋多，今次食飯試咗四五款不同嘅飲品，仲食咗兩三種不同口味嘅雪糕，好滿足呀！
整體而言，呢度嘅性價比真係超高，好適合一大班人過嚟食飯！
張貼
