正記菜館

營業中

休息中

Item: 正記菜館
Rating: 2
Author: chingmw421

107 食評

味道

環境

服務

衛生

抵食

2936

元朗

$51-100

粵菜 (廣東) 港式大牌檔

chingmw421

等級3

星期五晚同三個朋友入左元朗食飯，目的係去食b仔，但始終都要食左正餐先打個底，就係b仔附近既正記食下大牌檔小炒。我地四個人入到餐廳叫左四個餸同一碟通菜，最後都食淨，所以可以講果到既小菜份量都幾多。咁餸我地就嗌左胡椒豬肚雞、魚香茄子、韭菜豬紅同椒鹽鮮魷。胡椒豬肚雞湯頭味道認真麻麻，無咩胡椒既辣感，係街食到既豬肚同雞件無錯大部分都係冰鮮，而因為佢地係冰鮮，豬肚同雞咬落口淡而無味亦都係我預料之內，之但係連咸菜同胡椒湯都係無咩味，可想而知個湯頭只係有顏色既水，所以我地每人食左幾啖都無理到呢碟菜喇。魚香茄子就不過不失，呢碟菜都好難整得難食既。韭菜豬紅都係失望既，失望既點唔係在於豬紅，係在於佢既汁，個汁杰達達，同豬紅一齊放落口，其實食落口個感覺係好唔舒服，好似好唔新鮮，比我既個感覺係個汁煲過好多次咁。加上，張圖都應該見到，有d豬紅係已經煮到焦儂左。椒鹽鮮魷，係四碟餸裡最值得推介，因為佢大大件，無咩地方要彈，唔怕熱氣係絕對推介。最後就略略講下環境，可能係撞岩果晚食飯，隔離台係一大班中年男人，講野超超超超大聲同係度猜妹，搞到果日我地成班fd傾計係係度嗌出黎，嗌到沙都聲埋，完全傾唔到計，因為個環境係室內

星期五晚同三個朋友入左元朗食飯，目的係去食b仔，但始終都要食左正餐先打個底，就係b仔附近既正記食下大牌檔小炒。我地四個人入到餐廳叫左四個餸同一碟通菜，最後都食淨，所以可以講果到既小菜份量都幾多。咁餸我地就嗌左胡椒豬肚雞、魚香茄子、韭菜豬紅同椒鹽鮮魷。

胡椒豬肚雞湯頭味道認真麻麻，無咩胡椒既辣感，係街食到既豬肚同雞件無錯大部分都係冰鮮，而因為佢地係冰鮮，豬肚同雞咬落口淡而無味亦都係我預料之內，之但係連咸菜同胡椒湯都係無咩味，可想而知個湯頭只係有顏色既水，所以我地每人食左幾啖都無理到呢碟菜喇。

魚香茄子就不過不失，呢碟菜都好難整得難食既。

韭菜豬紅都係失望既，失望既點唔係在於豬紅，係在於佢既汁，個汁杰達達，同豬紅一齊放落口，其實食落口個感覺係好唔舒服，好似好唔新鮮，比我既個感覺係個汁煲過好多次咁。加上，張圖都應該見到，有d豬紅係已經煮到焦儂左。
椒鹽鮮魷，係四碟餸裡最值得推介，因為佢大大件，無咩地方要彈，唔怕熱氣係絕對推介。
最後就略略講下環境，可能係撞岩果晚食飯，隔離台係一大班中年男人，講野超超超超大聲同係度猜妹，搞到果日我地成班fd傾計係係度嗌出黎，嗌到沙都聲埋，完全傾唔到計，因為個環境係室內同埋樓底都低，可能咁樣都關事掛，大致上就係咁樣，不過我就應該只會去一次，因為元朗實在太多好野食，所以呢間我都係試過一次就夠喇。