影片
更多
2010-03-01
17 瀏覽
一行９人去Megabox“上海姑娘”食， 原來佢同隔壁的”恆香棧”係同一group, 用同一個廚房。 我地叫咗個8人餐再加小食, 食物質數就麻麻, service又唔多掂 ， 人手唔夠, 又大部份係發夢的，得一個叫“ｆａｎｇ”的女侍應做哂咁滯 （真係要表揚吓佢）， ｄ嘢食明明出咗嚟， 就咁放在一個地方 （我地見到的）， 但又唔擺上我地枱， 次次都要我地問佢先有時間上比我地食， 好過份。 食物：８人餐包：小籠包 ｘ ２：個皮包得唔係太好。味道ｏｋ。蒜頭青瓜：味道ｏｋ。炒牛柳：一般啦。時菜：一般啦。沙鍋雲吞雞：味道ｏｋ， 不過８人餐居然得６粒雲吞囉。燻魚：一般。松子魚：好食， 酸酸甜甜。上海四喜烤麩: 唔．．．唔知自己食緊咩囉。 鎮江水晶肴肉:ｏｋ好食， 不過太少。西芹蝦仁：蝦仁好細隻， 味道一般。元蹄：呢個餸等咗成個鐘！！！好彩夠熱。高力豆沙：一般啦。另加：口水雞ｘ２：一般。食飯途中發生咗d十級驚嚇事件, 就係無啦啦隔壁枱有女士尖叫, 我地望過去, 發現有”飛行物體”飛咗去牆身度, 無人敢郁, 怕驚動”佢”, 其實我睇唔清楚係咩嚟, 不過就見到係好大隻的”啡色”嘢, 加上女士的尖叫, 我
食物：
８人餐包：
小籠包 ｘ ２：個皮包得唔係太好。味道ｏｋ。
蒜頭青瓜：味道ｏｋ。
炒牛柳：一般啦。
時菜：一般啦。
沙鍋雲吞雞：味道ｏｋ， 不過８人餐居然得６粒雲吞囉。
燻魚：一般。
松子魚：好食， 酸酸甜甜。
上海四喜烤麩: 唔．．．唔知自己食緊咩囉。
鎮江水晶肴肉:ｏｋ好食， 不過太少。
西芹蝦仁：蝦仁好細隻， 味道一般。
元蹄：呢個餸等咗成個鐘！！！好彩夠熱。
高力豆沙：一般啦。
另加：
口水雞ｘ２：一般。
食飯途中發生咗d十級驚嚇事件, 就係無啦啦隔壁枱有女士尖叫, 我地望過去, 發現有”飛行物體”飛咗去牆身度, 無人敢郁, 怕驚動”佢”, 其實我睇唔清楚係咩嚟, 不過就見到係好大隻的”啡色”嘢, 加上女士的尖叫, 我就知佢係”大強”。我好驚, 我仲驚到”扯”住友人件衫 (因為我怕我真的會扯起成張枱布囉 /__\ !!)。隔離枱就叫一個女侍應搞掂佢, 個女侍應就搵張menu紙, 好英勇咁拍向在牆上的” 大強”, 我地成枱人就拍手掌鼓勵一番…哈哈…佢簡直就係我的要救命恩人。之後我地就話， ”大強”應該唔關此食店事, 應該係此食店隔壁的promotion位 (現在係red wine promote counter)的, 可能喺d red wine 木箱度嚟。
食物唔好食多過好食， 份量好少，Service好差。 在可見的未來， 都唔會再幫襯。
張貼
