生原創(蛋包飯) (已結業)

經過這裡好幾次，見門口好多明星同老闆合照，一直都想試下。但每次見到個餐牌成一百蚊個蛋包飯，即刻有D卻步。餐牌係一張過，其實真係想試的款式不算多，本來想試下牛，點知個日無。每個餐都送沙律。係三塊半邊車厘茄加點菜，中規中矩。仲有飲品，可以揀支裝汽水，有心理準備，係好細支。魚柳蛋包飯 $85+$18 流心蛋：我覺得係最 okay，魚柳脆，香，加十八蚊既重點係有人會 serve你幫你切開隻蛋，流D心出黎，配白汁。汁可以揀，要白汁、茄汁，或者咖哩汁。墨汁海鮮蛋包飯 $158：唔係好有墨汁味，唔係好見有海鮮鮑魚海鮮蛋包炒拉麵 $158：有D期望，不過，唔見有鮑魚，炒麵也太油，有點膩鰻魚蛋包飯$98：唔見有鰻魚，有鰻魚汁帶子菠菜蛋包飯$158：唔知點解，其他人都食晒，催左好多次，成半個鐘先到，食過個都冇癮一入去伙計已經有D俾面色，食完之後收碟非常快手，服務如何可想而知。早排食過CoCo咖哩屋的蛋包飯，老實說，價錢平一半，味道有得比。又要排隊又要貴，真係要三思。睇番以前食家d相同食評，2011年呢度係六七十蚊一個蛋包飯，我覺得價錢合理，宜家百幾蚊，如此貨色，真係好難話抵食。