影片
更多
2016-04-27
1071 瀏覽
因為一杯星座既飲品﹐我寶寶就book左呢間餐廳試試... 當日我地book 左下晝一點﹐遲了大概5分鐘到。餐廳裝修都okay﹐睇得出係花過啲心思... 但我對黎講﹐除左裝修之外﹐呢間餐廳可以講係"一無事處"... 一坐低﹐我寶寶就急不及待打算叫個杯星座飲品 - 只因睇佢地個ad 係話啲星座飲品每日只係限量8-10杯。誰不知﹐個waiter (定唔知老闆) 就答我地 "要2點先有得嗌"... 我地頓時語塞﹐之前一日打去book枱時﹐我地已經表明左係為個杯星座飲品而黎﹐我地book 1點亦都係餐廳既人建議。我地就講返比呢位waiter知book枱時既對話﹐佢就答我地 "要2點先有得嗌﹐因為個c苦今日返2點"... Anyway, 橫豎我地都打算將杯星座飲品變成我地既甜品﹐於是乎我地就睇 menu﹐睇下有咩食...我有一個習慣﹐要試或要揀一間餐廳食之前﹐都會去openrice 睇下。睇得耐左﹐都感受到有啲食評都未必係"真食評"... 從呢間餐廳燎燎十多則既食評裡面﹐我特別留意那3則"喊"；然後再望望隔離枱叫左既 lobster roll﹐基本上 呢間餐廳 呢個咁 signature 既 di
當日我地book 左下晝一點﹐遲了大概5分鐘到。
餐廳裝修都okay﹐睇得出係花過啲心思... 但我對黎講﹐除左裝修之外﹐呢間餐廳可以講係"一無事處"...
一坐低﹐我寶寶就急不及待打算叫個杯星座飲品 - 只因睇佢地個ad 係話啲星座飲品每日只係限量8-10杯。
誰不知﹐個waiter (定唔知老闆) 就答我地 "要2點先有得嗌"... 我地頓時語塞﹐之前一日打去book枱時﹐我地已經表明左係為個杯星座飲品而黎﹐我地book 1點亦都係餐廳既人建議。
我地就講返比呢位waiter知book枱時既對話﹐佢就答我地 "要2點先有得嗌﹐因為個c苦今日返2點"...
Anyway, 橫豎我地都打算將杯星座飲品變成我地既甜品﹐於是乎我地就睇 menu﹐睇下有咩食...
我有一個習慣﹐要試或要揀一間餐廳食之前﹐都會去openrice 睇下。
睇得耐左﹐都感受到有啲食評都未必係"真食評"...
從呢間餐廳燎燎十多則既食評裡面﹐我特別留意那3則"喊"；然後再望望隔離枱叫左既 lobster roll﹐基本上 呢間餐廳 呢個咁 signature 既 dish 我已經無打算食...
雖則我無係香港食過lobster roll﹐但外國既lobster roll﹐料足、價錢公道 - 大概都係一百蚊港紙左右。睇過 openrice 既相﹐再睇埋隔離枱個件 lobster roll﹐$288 呢個價錢應該有更多其他既選擇
最後我地就叫左 mini burger ($148) 同一個類似芝士肉醬薯條 ($48) 兩樣野
mini burger 一上枱﹐其實個presentation 係幾靚。3件mini burger 裡面﹐有一件仔係龍蝦三文治。味道普普通通﹐有啲似係m記cafe 食個隻龍蝦仔三文治... 另外個兩舊burger 一件係牛、另一件係辣肉醬﹐普普通通。唯獨係個薯條 (幼) 不錯﹐都好香口
因為呢個薯條都okay﹐令到我地對芝士肉醬薯條滿懷希望。
一上枱﹐其實個賣相係okay﹐只係原來係粗薯條...
一食﹐就有問題... 一來﹐肉醬薯條既肉醬應該要汁啲﹐咁啲薯條先可以沾多啲肉醬﹐放入口食就一流；二來﹐再加埋溶溶地既芝士﹐三樣夾埋先好食...
點知﹐佢啲肉醬真係一pat 肉﹐薯條頗難沾到啲肉汁；再者﹐個度啲冷氣好大﹐啲芝士已經變左一餅﹐溶都唔溶﹐結撻撻咁撻左係度...
係無肉汁、無芝士既親托之下﹐乾啃粗薯條係一件苦事... 食食下我都無心機
終於捱到2點﹐可以叫個杯野飲喇﹗
有個waitress 好好﹐記得我地係想飲星座飲品﹐一到2點就走黎提我地。
杯野飲上到枱﹐係幾靚、睇得出c苦放左好多心機。有幾粒棉花糖、cream、士多卑利既飲品﹐要$98
當日有啲 lunch set, 輕輕睇過都係啲意粉之類﹐價錢大概百多元。
我地環顧附近食客食既野﹐都係好細份 - 不論係lobster roll, 意粉﹐隻碟就好大﹐但份量都少
總括黎講﹐食物質素普通﹐服務亦只不過是樓上cafe水平﹐但價錢則很進取。
一次就夠了....
mini burger
$148
95 瀏覽
0 讚好
0 留言
芝士肉醬薯條
$48
93 瀏覽
0 讚好
0 留言
星座飲品
$98
180 瀏覽
0 讚好
0 留言
張貼
